Грамадства1515

Абвінавачаны ў харасменце выкладчык ЕГУ Сялецкі выйграў суд ва ўніверсітэта

Агульная сума кампенсацыі складзе каля 40 тысяч еўра.

Сяргей Сялецкі. Скрыншот: YuRokit / Youtube-канала

Літоўскі суд стаў на бок звольненага ў канцы мінулага года выкладчыка Еўрапейскага гуманітарнага ўніверсітэта Сяргея Сялецкага, якога абвінавацілі ў харасменце. Мужчына судзіўся супраць свайго былога працадаўцы і цалкам задаволены рашэннем суда. Пра гэта «Еўрарадыё» паведаміла яго адвакатка Эвеліна Трушкінене.

Паводле юрысткі, звальненне Сялецкага было прызнанае неправамерным. Мужчыну таксама прысудзілі кампенсацыю за прастой цягам дзевяці месяцаў, калі ён не мог выконваць свае абавязкі выкладчыка, а таксама маральную шкоду і выдаткі на юрыдычную абарону.

Агульная сума кампенсацыі складзе каля 40 тысяч еўра. Рашэнне было апублікаванае ўчора ў другой палове дня, 2 кастрычніка, на сайце суда.

Таксама ЕГУ абавязалі аднавіць Сялецкага на працоўным месцы пачынаючы з сённяшняга дня, паколькі рашэнне ўжо часткова ўступіла ў сілу — такую магчымасць дае працоўнае права Літвы.

«Ён гэтаму вельмі рады, бо рашэнне суда вельмі дэталёвае, суд яго вельмі добра разгледзеў. Ён звярнуў увагу, што дакументы [аб звальненні] былі падрыхтаваныя няправільна, у тым ліку і на тое, што яны маглі быць падробленыя, і яшчэ на шэраг іншых момантаў. <…> Так, ён вельмі задаволены, бо ён нічога [дрэннага] не рабіў і гэты год для яго быў цяжкім», — адзначыла Трушкінене.

Пры гэтым у ЕГУ ёсць 30 дзён, каб падаць апеляцыю і адмяніць прынятае рашэнне.

«Мы пакуль не абмяркоўвалі [далейшыя планы]. Паглядзім, будзе апеляцыя ці не. Пакуль займаемся толькі гэтай справай. Самае галоўнае, што тут важна сказаць, — акадэмічная супольнасць адміністрацыі і рэктару [ЕГУ] казала, што няправільна ўсё [звальненне Сялецкага] робіцца. І цяпер мы прыйшлі да таго, што акадэмічная супольнасць мела рацыю», — падкрэсліла юрыстка.

Сяргей Сялецкі — беларускі мастак і выкладчык ЕГУ, якога ўніверсітэт у снежні 2023 года звольніў пасля скандалу з абвінавачаннямі ў сексуальных дамаганнях да студэнтак універсітэта.

Пра іх частка дзяўчат расказала медыя публічна, частка — на ўмовах ананімнасці. Паводле вынікаў унутранага разбору ЕГУ звольніў Сялецкага і адлічыў студэнтку Таццяну Барысаву, якая публічна расказала пра харасмент.

Каментары15

  • Юрыст
    03.10.2024
    Цікава, а ці адкажуць цяпер за паклепніцкія артыкулы адпаведныя медыі і самі хайпаваўшыя паклёпніцы?
  • .
    03.10.2024
    > «акадэмічная супольнасць мела рацыю»
    А хто дакладна яго падтрымліваў? Сказана так, нібыта ўся супольнасць была на яго баку.

    Таксама з артыкулу вынікае, што справа ў няправільна падрыхтаваных дакументах на звальненне, пра харасмент зараз фактычна нічога не сказана.

    Было б правільна і паслядоўна, каб ахвяры давялі б свае справы да судоў.
    Тады б і ўніверсітэту было б зараз на што абаперціся.

    Хаця сам універсітэт паводзіў сябе непаслядоўна і мутна.
  • Цікавостка
    03.10.2024
    Па-нармальнаму сказаць слабо? Думалі, сказалі харааасмент і ўжо разумным словам як молатам па галаве? Усё мы разумеем. Мужчына заляцаўся да дзяўчыны на працы. І што тут такога? Усе мужчыны заляцаюцца, і нават на працы. Паехалі з глузду са сваім харасментам.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Я толькі аднаго хачу: каб вы паверылі мне зноў». Як прайшла першая акцыя Ціханоўскага ў Варшаве пасля вызвалення11

«Я толькі аднаго хачу: каб вы паверылі мне зноў». Як прайшла першая акцыя Ціханоўскага ў Варшаве пасля вызвалення

Усе навіны →
Усе навіны

Што пабудуюць на месцы завода «Агат» у Мінску1

Чаму ў беларускай турме так моцна худзеюць? Тлумачым19

Затрыманыя дзве групы «тайных пакупнікоў», якія кашмарылі крамы і АЗС9

Чаму спартсмены п'юць сок з салёных агуркоў?2

Памерла 47-гадовая мадэль Алена Запекіна

У Расіі фатографа асудзілі да 16 гадоў за перадачу амерыканцу легальнай кнігі пра савецкія бункеры

Еўропа змагла захаваць адзінства з Трампам на выпадак нападу Расіі11

Беларусбанк абмяжоўвае зняцце наяўных з картак3

У Арменіі арыштавалі архіепіскапа і яшчэ 16 змоўнікаў1

больш чытаных навін
больш лайканых навін

«Я толькі аднаго хачу: каб вы паверылі мне зноў». Як прайшла першая акцыя Ціханоўскага ў Варшаве пасля вызвалення11

«Я толькі аднаго хачу: каб вы паверылі мне зноў». Як прайшла першая акцыя Ціханоўскага ў Варшаве пасля вызвалення

Галоўнае
Усе навіны →

Заўвага:

 

 

 

 

Закрыць Паведаміць