Казахстан выдасць Беларусі грамадзяніна Кыргызстана, які абвінавачваецца ў забойстве
Генеральная пракуратура Казахстана задаволіла запыт беларускай пракуратуры аб выдачы грамадзяніна Кыргызстана для прыцягнення да крымінальнай адказнасці па п. 6 і п. 15 ч. 2 арт. 139 КК (Забойства).
Паводле інфармацыі прэс-службы Генпракуратуры Беларусі, абвінавачаны, згодна з матэрыяламі справы, «дзейнічаючы па папярэдняй змове з іншымі асобамі, напаў у Мінску з мэтай забойства на пацярпелага, падчас якога прычыніў яму множныя цялесныя пашкоджанні, якія прывялі да яго смерці».
Справа знаходзіцца на разглядзе ў Галоўнага следчага ўпраўлення цэнтральнага апарата Следчага камітэта. Генпракуратура даручыла Дэпартаменту выканання пакаранняў МУС «арганізаваць прыём асобы, якая падлягае выдачы».
У красавіку гэтага года дэлегацыя ўпраўлення крымінальнага вышуку МУС Беларусі наведвала Казахстан. Па выніках сустрэчы бакі дамовіліся ўдасканальваць узаемадзеянне і абмен перадавымі тэндэнцыямі ў аператыўна-вышуковай дзейнасці, паведамляла МУС.
Цяпер чытаюць
Хто тая беларуска, якую экстрадавалі ў ЗША для суда за кантрабанду дэталяў для самалётаў8
Каментары