У беларускіх санаторыях зробяць спецыяльныя нумары для пэўнай катэгорыі людзей
У такой магчымасці асабліва зацікаўлены прыватныя санаторыі.
У санаторыях Беларусі ўводзяць нумары для асаблівых адпачывальнікаў. Пра гэта распавёў дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Балбатоўскі ў Нацыянальным прэс-цэнтры, піша Tochka.by.
Па яго словах, у такой магчымасці асабліва зацікаўлены прыватныя здраўніцы.
Балбатоўскі анансаваў, што ў некалькіх месцах адпачынку будуць адкрыты нумары для прыёму гасцей з гадаванцамі. Напрыклад, яны з'явяцца ўжо ў 2024 годзе ў «Альфа Радоне» і ў «Плісе».
Пакуль гэта не масавая з'ява, бо «ў розных уласнікаў свае аргументы». Пры тым удакладніў, што здраўніцы рухаюцца ў гэтым кірунку.
Акрамя таго, Генадзь Балбатоўскі заявіў, што ў Беларусі ў хуткім часе могуць адкрыцца новыя санаторыі.
Паводле яго слоў, пералік месцаў для магчымай пабудовы новых санаторыяў ужо распрацаваны. У яго ўвайшлі лакацыі, якія прывязаныя да прыродных лячэбных фактараў. Цяпер такіх месцаў некалькі дзясяткаў, ідзе пошук інвестараў.
Цяпер чытаюць
Лукашэнка зноў апраўдваўся за георгіеўскія стужкі: гэтым разам перад расійскім паслом26
Каментары