«У нас ёсць кантакты з атачэннем Дональда Трампа і прадстаўнікамі Рэспубліканскай партыі», — паведамляе прэс-служба Святланы Ціханоўскай.
Святлана Ціханоўская павіншавала Дональда Трампа і патлумачыла, што вынікі выбараў значаць для беларусаў і Беларусі.
«Я віншую Дональда Трампа з упэўненай перамогай на выбарах прэзідэнта ЗША, а Рэспубліканскую партыю — у Сенаце ЗША. Гэта было сапраўднае свята дэмакратыі, і амерыканскі народ зрабіў свой выбар», — гаворыцца ў віншаванні.
«Мы будзем працаваць з новай адміністрацыяй, працягваць і ўмацоўваць нашыя адносіны. Безумоўна, у нас ёсць кантакты з атачэннем Дональда Трампа і прадстаўнікамі Рэспубліканскай партыі. Тэма Беларусі аб'ядноўвае розных палітыкаў у ЗША, незалежна ад іх партыйнай прыналежнасці», — кажа Святлана Ціханоўская і разлічвае, што палітыка ЗША адносна Беларусі застанецца ранейшай.
«Мы разлічваем, што палітыка ў дачыненні да Беларусі будзе рашучай, паслядоўнай, і прынцыповай. Беларусь павінна заставацца на міжнародным парадку дня. І амерыканскае лідарства грае ў гэтым надзвычай важную ролю.
Мы чакаем, што супрацоўніцтва паміж дэмакратычнымі сіламі Беларусі і ЗША працягнецца, у тым ліку ў межах Стратэгічнага дыялогу. ЗША былі, ёсць і будуць нашымі саюзнікамі ў барацьбе за дэмакратычную, незалежную і мірную Беларусь», — адзначыла Святлана Ціханоўская.
Трамп перамагае са значным адрывам, бярэ ўсе хісткія штаты
Дональд Трамп абвясціў сваю перамогу на выбарах
Ці здасць Трамп Украіну Расіі? Чаму дэмакраты разгромленыя? Да чаго прывядзе кантроль рэспубліканцаў над выканаўчай і заканадаўчай уладай адначасова?
Уладзімір Зяленскі павіншаваў Дональда Трампа з перамогай на выбарах прэзідэнта ЗША
Цяпер чытаюць
Каментары