Беларускія бізнэсмены прадстаўлялі на міжнароднай канферэнцыі Зімбабвэ
Фігуранты міжнародных скандалаў, звязаных з гандлем зброяй і пастаўкамі тэхнікі, цесна звязаныя з рэжымам Лукашэнкі беларускія бізнжсмены Аляксандр Зінгман і Алег Водчыц наведалі міжнародную канферэнцыю па клімаце COP29. Але прадстаўлялі на ёй яны не Беларусь, а Зімбабвэ, заўважыў Беларускі расследавальніцкі цэнтр.
Зінгман і Водчыц увайшлі ў склад дэлегацыі Міністэрства навакольнага асяроддзя, клімату і дзікай прыроды Зімбабвэ. Канферэнцыя была арганізаваная ААН.
Аляксандр Зінгман, ганаровы консул Зімбабвэ ў Беларусі, неаднойчы фігураваў у публікацыях СМІ як чалавек з асаблівымі сувязямі ва ўрадзе гэтай краіны. Яго імя згадвалася ў рамках праекта па здабычы золата кампаніі Zim GoldFields, які прыцягнуў увагу журналістаў. Зінгман быў адным з канчатковых уладальнікаў гэтай фірмы — да яго вёў ланцужок ад афшорнай кампаніі, хоць сам бізнэсмен гэта адмаўляў.
Алег Водчыц, дзелавы партнёр Зінгмана, таксама, паводле інфармацыі The NewsHawks, быў замяшаны ў сумнеўных аперацыях.
У 2021 годзе абодвух бізнэсменаў затрымлівалі ў Дэмакратычнай Рэспубліцы Конга пасля сустрэчы з былым прэзідэнтам Жазэфам Кабілам. Тады іх западозрылі ў незаконных здзелках, звязаных з гандлем зброяй.
Запрашэнне Зінгмана і Водчыца на кліматычны саміт як прадстаўнікоў афрыканскай краіны выклікала негатыўную рэакцыю ў некаторых зімбабвійскіх экспертаў і палітыкаў. Так, выканаўчы дырэктар Цэнтра кіравання прыроднымі рэсурсамі Зімбабвэ Фарай Магуву гаворыць:
«Дачыненне гэтых дваіх да зімбабвійскай дэлегацыі патрабуе расследавання, улічваючы іх неадназначную гісторыю, якая ўключае ў сябе няякасную здабычу карысных выкапняў і ўгоды са зброяй. Зімбабвэ зноў і зноў дэманструе схільнасць да вядзення бізнесу з фізічнымі і юрыдычнымі асобамі, чыя прафесійная і дзелавая хватка выклікае сумневы».
СМІ: У аэрапорце ДР Конга затрыманы бізнэсовец, блізкі да Шэймана
Помнік «подзвігу савецкага народа» паставяць у Зімбабвэ
Прэзідэнт Зімбабвэ доўга не мог завесці трактар ад Лукашэнкі ВІДЭА
Шэйман сустрэўся з прэзідэнтам Зімбабвэ. Беларускія дзяржаўныя СМІ пра гэта не паведамілі
Ад палітычных кантактаў у Афрыцы пакуль няма толку для эканомікі — Галоўчанка
Каментары