У Румыніі будуць судзіць замежніка, які планаваў дыверсіі па ўказанні Расіі
Упраўленне па барацьбе з арганізаванай злачыннасцю і тэрарызмам Румыніі паведаміла аб арышце грамадзяніна Калумбіі, які па ўказанні Расіі планаваў учыніць выбухі на аб'ектах краіны. Пра гэта паведамляе «Еўрапейская праўда».
34-гадовага калумбійца арыштавалі супрацоўнікі антытэрарыстычнага ўпраўлення, а 13 лістапада яго справу перадалі ў суд.
Па даных следства, мужчына на працягу ліпеня 2024 года па падбухторванні іншага замежніка, які жыве ў Расіі, планаваў падпалы і выбухі на аб'ектах у Румыніі, «якія маюць асаблівае значэнне і могуць пагражаць нацыянальнай бяспецы».
Арыштаваны паспеў зняць згаданыя аб'екты, але да дыверсій не дайшло дзякуючы ўмяшанню паліцыі.
Аб грамадзяніне Калумбіі вядома, што ён на радзіме служыў у войску і прайшоў падрыхтоўку па зборы разведвальнай інфармацыі. Па інкрымінаваных абвінавачаннях яму пагражае ад 10 да 20 гадоў зняволення ў Румыніі.
Аб судзе над калумбійцам стала вядома на фоне актывізацыі дыверсійнай расійскай дзейнасці ў Еўропе.
Кіраўнік Міністэрства замежных спраў Чэхіі Ян Ліпоўскі заявіў, што да сотні «падазроных інцыдэнтаў» у Еўропе на працягу 2024 года могуць быць звязаны з Расіяй.
Расследаванне крушэння самалёта DHL у Вільні: Доказаў тэракту няма
Агенты ГРУ Мішкін і Чапіга, якія атруцілі Скрыпалёў, вярбуюць людзей для дыверсій у Еўропе
Як Расія наймае крымінальнікаў для выканання спецаперацый на Захадзе
Капітанам кітайскага судна, якое падазраюць у пашкоджанні кабеляў на дне Балтыйскага мора, аказаўся грамадзянін Расіі
Лукашэнка: Раман Пратасевіч — даўні супрацоўнік беларускай разведкі59
Каментары