За «экстрэмізм» асудзілі хлопца, які некалі запускаў кампанію па віншаванні ветэранаў
Нікадзім Бельскі родам з Валожына, але жыве ў польскім Чанстахове, калі верыць яго сацсеткам. Выглядае, што ён днямі ехаў у госці ў Беларусь і на мяжы трапіў пад пільную ўвагу сілавікоў, заўважыў тэлеграм-канал «Витебск, я гуляю!».
Імя Нікадзіма Бельскага сёння з'явілася ў судзе Верхнядзвінскага раёна з абвінавачаннем у «распаўсюдзе экстрэмісцкіх матэрыялаў» (ч. 2 арт. 19.11 КаАП). Апошняя актыўнасць маладога чалавека ў сацсетках заўважаная 22 снежня.
У 2013 годзе ініцыяваная Бельскім акцыя асвятлялася на ўзроўні ўсёй краіны — ён тады натхніў моладзь адпраўляць паштоўкі ветэранам да 9 траўня.
Бацькі Нікадзіма — зоаваланцёры, займаюцца дапамогай бяздомным жывёлам, трымаюць у Валожыне зоагатэль і таксама былі героямі цэнтральнай прэсы.
Каментары