Свет22

ЗША вымусілі Кітай закрыць свае буйныя порты для расійскага «ценявога флоту»

Shandong Port Group — адзін з найбуйнейшых марскіх лагістычных аператараў Кітая і галоўны кітайскі закупнік расійскай нафты — забараніў заход у свае порты ўсіх танкераў, якія трапілі пад санкцыі ЗША.

Расійскі танкер «Анатолій Калодкін». Фота: «Саўкамфлот»

Нафтавыя гульцы ў Кітаі апынуліся пад ціскам новых амерыканскіх санкцый. Як паведамляе агенцтва Reuters, Shandong Port Group забараніў заход усіх падсанкцыйных танкераў.

Shandong Port Group кантралюе ўсе асноўныя порты на ўсходнім узбярэжжы Кітая, уключаючы Цындаа, Жычжаа і Яньтай. Большая частка нафтаперапрацоўчых заводаў у гэтых партах — найбуйнейшыя кітайскія імпарцёры нафты з краін, якія знаходзяцца пад санкцыямі ЗША.

Паводле Reuters, у 2024 годзе кітайская правінцыя Шаньдун праз аператара Shandong Port Group імпартавала каля 1,74 мільёна барэляў нафты ў дзень, што склала 17% ад агульнага аб’ёму імпарту нафты ў Кітай. Большую частку паставак складалі партыі нафты з Расіі, Ірана і Венесуэлы.

Рашэнне Shandong Port Group, выкліканая новымі санкцыямі ЗША супраць «ценявога флота» Расіі, можа справакаваць істотны рост выдаткаў на лагістыку для нафтавых перапрацоўшчыкаў правінцыі Шаньдун, паколькі ім давядзецца карыстацца непадсанкцыйнымі танкерамі, што павялічыць кошт транспарціроўкі нафты як для самога Кітая, так і для яе падсанкцыйных кліентаў, асабліва Расіі.

У цяперашні час каля 670 «ценявых танкераў» (пад чужымі сцягамі ці без дзяржаўнага страхавання) займаюцца нелегальнай перавозкай нафты з Ірана, Расіі і Венесуэлы. З іх 250—300 суднаў перавозяць расійскую нафту, даходы з продажаў якой ідуць на фінансаванне вайны ва Украіне і падтрыманне расійскай эканомікі ва ўмовах супрацьстаяння з Захадам, адзначае Reuters.

Асноўныя аператары сусветнага «ценявога флоту» — іранская кампанія NITC і расійская «Саўкамфлот» — таксама падпалі пад новыя санкцыі ЗША.

Перад гэтым у сакавіку мінулага года ўдар па «ценявым флоце» Расіі пад уплывам амерыканскіх санкцый нанесла і Індыя. Тады прыватны індыйскі НПЗ Reliance Industries — аператар найбуйнейшага ў свеце комплексу перапрацоўкі нафты — адмовіўся прымаць сыравіну, якую дастаўляюць танкеры расійскага «Саўкамфлоту».

На пачатак 2024 года больш за палова экспарту сырой нафты з Расіі ажыццяўлялася праз «ценявы флот», у той час як у студзені 2023 года гэты паказчык, па звестках міжнародных аналітыкаў, складаў каля 35%.

Каментары2

  • Барадзед
    08.01.2025
    Они загрязняли окружающую среду ржавчиной и мазутом. Санкции работают.
  • Адмірал Нэльсан
    09.01.2025
    Тапіць гэтыя карыта!

Цяпер чытаюць

Беларусь заняла другое месца па злачыннасці сярод еўрапейскіх краін. Як жа складалі такі рэйтынг?4

Беларусь заняла другое месца па злачыннасці сярод еўрапейскіх краін. Як жа складалі такі рэйтынг?

Усе навіны →
Усе навіны

«Мы не губляем надзеі, хоць мы і не наіўныя». Радаслаў Сікорскі пра перспектывы свабоднай Беларусі1

Трамп раскрытыкаваў Зяленскага за заяву, што Украіна ніколі не прызнае Крым расійскім22

Польская пракуратура не дае згоды на разгалошванне інфармацыі па справе Мельнікавай

Прапагандыст з Мазыра пад выглядам апытання мясцовых жыхароў апублікаваў «меркаванні» фэйкавых персанажаў з партрэтамі з інтэрнэту

Украінскія вайскоўцы захапілі ў палон грамадзяніна Сенегала

Барысаўская вакалістка лічыць, што 1000 рублёў — добры заробак для маладога спецыяліста. З ёй многія не пагадзіліся6

Лукашэнка забараніў юрасобам прадаваць беспілотнікі без узгаднення з дзяржаўнымі органамі

Сікорскі: Незалежнасць Беларусі залежыць ад выніку вайны1

У Мінску кіроўца хуткай справакаваў «паравоз» з сямі машын ВІДЭА

больш чытаных навін
больш лайканых навін

Беларусь заняла другое месца па злачыннасці сярод еўрапейскіх краін. Як жа складалі такі рэйтынг?4

Беларусь заняла другое месца па злачыннасці сярод еўрапейскіх краін. Як жа складалі такі рэйтынг?

Галоўнае
Усе навіны →

Заўвага:

 

 

 

 

Закрыць Паведаміць