Свет11

Найбуйнейшы НПЗ Індыі адмовіўся прымаць расійскія танкеры

Расійскія нафтавікі адчуваюць усё большыя праблемы з пастаўкамі ў Індыю, якая стала другім найбуйнейшым пакупніком нафты ў Расіі пасля яе ўварвання ва Украіну, нарасціўшы імпарт больш чым у 30 разоў. Як паведамляе Reuters, прыватны індыйскі НПЗ Reliance Industries — аператар найбуйнейшага ў свеце комплексу па перапрацоўцы нафты — адмаўляецца прымаць сыравіну, якую дастаўляюць танкеры дзяржаўнага «Саўкамфлоту».

Расійскі танкер Svet. Фота: «Саўкамфлот»

Пасля таго, як расійская кампанія трапіла пад амерыканскія санкцыі, Reliance патрабуе, каб нафта не дастаўлялася яе суднамі. Іншыя індыйскія НПЗ таксама плануюць адмовіцца ад выкарыстання суднаў, якія належаць «Саўкамфлоту», паведамілі Reuters тры крыніцы ва ўрадзе Індыі і ў нафтаперапрацоўчай галіне.

Па словах аднаго з суразмоўцаў агенцтва, рашэнне аб заходзе судоў «Саўкамфлоту» і іншых падсанкцыйных танкераў у індыйскія парты будуць прымаць улады.

«Мы аддаем перавагу таму, каб нашыя НПЗ не прымалі нафту на суднах, якія трапілі пад санкцыі, з-за нашых палітычных і камерцыйных інтарэсаў, а таксама санкцый ЗША», — сказала адна з крыніц ва ўрадзе Індыі.

У выніку пастаўкі расійскай нафты ў Індыю, якія ўжо зменшыліся больш чым на траціну ў канцы 2023 года, могуць зменшыцца яшчэ больш: НПЗ імкнуцца пазбегнуць любой негатыўнай рэакцыі з боку Вашынгтона і «праяўляюць асаблівую асцярожнасць», патлумачыла крыніца Reuters.

Індыя, якая не далучылася да санкцый летам 2023 года, закупляла 2,15 млн барэляў расійскай нафты штодня — каля паловы ўсяго марскога нафтавага экспарту з Расіі. Да студзеня пастаўкі зменшыліся да 1,5 млн барэляў за дзень пасля таго, як ЗША ўнеслі ў санкцыйныя спісы дзясяткі танкераў «ценявога флоту» Крамля, а банкі «дружалюбных» краін пачалі блакаваць плацяжы.

Спробы «Раснафты» заключыць доўгатэрміновыя кантракты з дзяржаўнымі індыйскімі НПЗ праваліліся. Пасля перамоў Bharat Petroleum і Hindustan Petroleum, якія доўжыліся амаль месяц, прынялі пастанову не браць на сябе жорсткіх абавязкаў у закупках у найбуйнейшай нафтавай кампаніі Расіі ў гэтым фінансавым годзе.

Расійскую нафту Індыя замяняе на саудаўскую: у лютым пастаўкі з Саудаўскай Аравіі на індыйскі рынак выраслі на 22%, а найбуйнейшая прыватная нафтаперапрацоўчая кампанія, Reliance Industries, набыла максімальны аб'ём з траўня 2020 года.

Каментары1

  • Gea Weer
    21.03.2024
    Японец. Японскай пабудовы.

Цяпер чытаюць

БНТУ: Выкладчык, які ўцякаў ад міліцыі, памёр ад сардэчнага прыступу24

БНТУ: Выкладчык, які ўцякаў ад міліцыі, памёр ад сардэчнага прыступу

Усе навіны →
Усе навіны

У Літве высветлілі, што дапамогу, прызначаную бежанцам з Украіны, атрымлівалі і людзі з іншых краін. Сярод іх ёсць і беларусы1

Маці траіх дзяцей просіць Лукашэнку вярнуць іх з прытулку. Чыноўнікі патлумачылі, чаму ў яе не атрымалася

Іспанія дамагаецца прызнання каталонскай мовы ў ЕС: Брусэль тармозіць працэс

Журналісты атрымалі доступ да сакрэтных планаў расійскіх ядзерных вайсковых баз3

Трамп прапанаваў Канадзе доступ да абароны пад «Залатым купалам». Пры адной умове5

Грошы для былога палітвязня Андрэя Чапюка сабралі менш чым за паўсутак

У Германіі адмяняюць нядаўна ўведзеную магчымасць «экспрэс-натуралізацыі»

«Муж быў супраць таго, каб Анжаліка сустракалася з дзецьмі з іншым мужчынам». Аўтар расследавання пра Мельнікаву падзяліўся некаторымі дэталямі7

Мерц паабяцаў дапамагчы Украіне з распрацоўкай уласнай дальнабойнай зброі1

больш чытаных навін
больш лайканых навін

БНТУ: Выкладчык, які ўцякаў ад міліцыі, памёр ад сардэчнага прыступу24

БНТУ: Выкладчык, які ўцякаў ад міліцыі, памёр ад сардэчнага прыступу

Галоўнае
Усе навіны →

Заўвага:

 

 

 

 

Закрыць Паведаміць