«Межы не павінны адсоўвацца сілай». Шольц раскрытыкаваў выказванне Трампа па Грэнландыі
Федэральны канцлер Германіі Олаф Шольц у сваёй заяве для прэсы рэзка раскрытыкаваў нядаўнія выказванні абранага прэзідэнта ЗША Дональда Трампа пра Грэнландыю. У сваім кароткім выступленні ён падкрэсліў прынцып непарушнасці межаў як асноватворны прынцып міжнароднага права, які ў роўнай ступені выкарыстоўваецца і ў дачыненні да ўсіх краін, паведамляе Euronews.
«Межы не павінны адсоўвацца сілай», — сказаў ён, маючы на ўвазе перадусім агрэсіўную вайну Расіі супраць Украіны, але не толькі.
«Падчас маіх дыскусій з еўрапейскімі партнёрамі стала відавочным пэўнае неразуменне ў сувязі з нядаўнімі заявамі ЗША», — сказаў ён, маючы на ўвазе нядаўнія заявы Трампа аб тым, што ён хоча перадаць Грэнландыю пад кантроль ЗША.
Нямецкі канцлер патлумачыў, што прынцып непарушнасці межаў дзейнічае ва ўсім свеце: «незалежна ад таго, дзе ён знаходзіцца: на Усходзе ці на Захадзе», гэта «фундаментальны прынцып міжнароднага права».
Шольц падкрэсліў, што гэты прынцып распаўсюджваецца на ўсе краіны — незалежна ад іх памеру і моцы. «Гэта асноўны кампанент таго, што мы называем заходнімі каштоўнасцямі», — дадаў ён.
Чаму Трамп загаварыў пра Грэнландыю?
Кіраўнік французскага МЗС: Еўрасаюз не дазволіць нікому ўварвацца ў Грэнландыю
«Дзяўчынка, ты больш не губернатар». Трудо заявіў, што Канада не стане часткай ЗША, яму груба адказаў Маск
Трамп апублікаваў карту з Канадай, далучанай да ЗША
Прэм'ер Даніі адказала наконт прапановы Трампа пра Грэнландыю
Трамп пераймяноўвае Мексіканскі заліў, цвёрда намераны вярнуць Панамскі канал і «разумее пачуцці Расіі»
Цяпер чытаюць
«Вяртайцеся, калі дарасцяце». Адзін з самых дарагіх рэстаранаў Мінска шакуе сваёй камунікацыяй7
Каментары