Самы дэпрэсіўны дзень года прыходзіцца на трэці панядзелак года.
Паняцце «сіні панядзелак» увёў брытанскі псіхолаг Кліф Арнал у 2005 годзе.
Самую сумную дату для краін Еўропы ён разлічыў пры дапамозе спецыяльнай формулы, якая ўлічвала такія фактары, як кепскае надвор'е, адгуляныя святы, а таксама патрачаныя на падарункі грошы і даўгі, якія засталіся пасля заканчэння калядных і навагодніх святаў.
Безумоўна, такі падыход можа лічыцца ненавуковым, але факт ёсць фактам.
Сапраўды, сумны панядзелак прыпадае на перыяд, калі пасля яркіх зімовых святаў людзям трэба вярнуцца да паўсядзённай руціны і працы, а да адпачынку ў сярэднім застаецца палова года.
Таксама дадаюцца кароткі светлавы дзень і, як часта бывае ўзімку, адсутнасць сонца і сезонная дэпрэсія.
На думку псіхолагаў, справіцца з дэпрэсіяй і дрэнным настроем дапамогуць правільны рэжым сну, паўнавартаснае харчаванне, фізічная актыўнасць, прагулкі на свежым паветры, камунікацыя з роднымі і сябрамі, хатнія гадаванцы, праслухоўванне музыкі і іншыя забавы.
Пазней быў разлічаны і самы аптымістычны дзень у годзе.
Лагічна, што ў Паўночным паўшар'і ён прыпадае на 20-я даты чэрвеня, калі самыя доўгія дні і максімум сонца.
Цяпер чытаюць
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары
26-га будзе "сіняя дэпрэсіўная нядзеля сініх пальцаў".