У Гродне вечарам 24 студзеня адбылася сур’ёзная аварыя. Легкавы аўтамабіль вылецеў з дарогі на ходнікі.
У ДТЗ цудам ніхто не пацярпеў. Там, куды «прызямлілася» машына, не было пешаходаў. Кіроўцу таксама пашанцавала — на ім ні драпіны, хаця аўто цалкам разбітае.
Відавочцы расказалі парталу NewGrodno.by, што кіроўцу, на выгляд, было 20 гадоў. Яны мяркуюць, што ён моцна «газануў», машыну занесла, і справіцца з гэтым ён не змог.
«Хлопец расказаў, што толькі набыў аўто. Вельмі перажываў з-за таго, што яго разбіў», — паведамілі сведкі аварыі.
Каментары