Сістэма маніторынгу зафіксавала перабоі ў перадачы звестак на ўчастку Вентспілс — Готланд.
26 студзеня быў пашкоджаны падводны оптавалаконны кабель латвійскага Дзяржаўнага цэнтра радыё і тэлевяшчання (LVRTC), паведамляе LSM.
Прэм'ер-міністр Латвіі Эвіка Сіліня склікала з гэтай нагоды нараду адказных структур. Латвійскія вайскоўцы абследавалі судна, якое знаходзілася побач з месцам аварыі, і працягваюць вывучаць рух у гэтым раёне.
Эвіка Сіліня на прэс-канферэнцыі расказала, што Латвія рыхтавалася да патэнцыйнага крызісу і таму арганізаваная перадача звестак па альтэрнатыўных маршрутах. Яна паведаміла, што звязалася з прэм'ерамі Швецыі і краін Балтыі; шведскую берагавую ахову папрасілі прыняць удзел у расследаванні, і Стакгольм паабяцаў даць любую дапамогу, якая можа спатрэбіцца.
Сістэма маніторынгу зафіксавала перабоі ў перадачы звестак на ўчастку Вентспілс — Готланд. Арганізацыя працягвае аказваць паслугі перадачы даных, выкарыстоўваючы іншыя маршруты; магчыма запаволенне хуткасці, хоць у асноўным гэта не закранае канчатковых карыстальнікаў у Латвіі.
Разам з партнёрамі LVRTC правёў праверку і замеры ў сетцы з абсталявання, усталяванага ў Вентспілсе. «На дадзены момант ёсць падставы лічыць, што кабель значна пашкоджаны, і што пашкоджанне ўзнікла з-за вонкавага ўздзеяння», — казала прадстаўніца LVRTC Вінета Спругайне.
LVRTC праінфармаваў аб тым, што адбылося адказныя ведамствы. Улічваючы, што кабель ляжыць на глыбіні больш за 50 метраў, канкрэтны від пашкоджання можна будзе вызначыць толькі з пачаткам рамонтных работ.
Камерсанты электроннай сувязі, якія да гэтага часу выкарыстоўвалі гэты кабель, цяпер для ажыццяўлення сваіх паслуг выкарыстоўваюць іншыя маршруты перадачы даных.
Прэм'ер-міністр Эвіка Сіліня ў сацыяльнай сетцы X (Twitter) паведаміла, што ў сувязі з гэтай аварыяй склікала адказных міністраў і кіраўнікоў службаў. «Працягваем супрацоўнічаць з NATO і краінамі рэгіёну Балтыйскага мора, каб высветліць абставіны і расследаваць тое, што адбылося», — напісала яна.
Нагадаем, за апошнія месяцы адбылася серыя такіх здарэнняў з падводнымі кабелямі.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню28
Каментары