Парламенцкая асамблея Рады Еўропы (ПАРЕ) 30 студзеня аднагалосна прыняла рэзалюцыю аб Беларусі, прысвечаную вынікам «пераабрання» Лукашэнкі 26 студзеня.
«Асамблея […] лічыць, што так званыя выбары, арганізаваныя ў Беларусі 26 студзеня 2025 года, не адпавядаюць мінімальным міжнародным стандартам дэмакратычных выбараў і не маюць ніякага дэмакратычнага даверу… Няма падстаў для прызнання легітымнасці Аляксандра Лукашэнкі як прэзідэнта», — гаворыцца ў рэзалюцыі.
ПАРЕ заклікала дзяржавы — члены Рады Еўропы выразна заявіць аб непрызнанні абрання Лукашэнкі на пасаду прэзідэнта Беларусі, а таксама «прыняць рашучыя меры для пашырэння і ўзмацнення мэтавых санкцый супраць рэжыму і тых, хто падтрымлівае яго незаконную дзейнасць».
Асамблея прапануе працягнуць і ўзмацніць падтрымку структур беларускіх дэмакратычных сіл на чале са Святланай Ціханоўскай. Дэлегаты ПАРЕ таксама прапануюць увесці дадатковыя меры для палягчэння ўезду ў дзяржавы — члены Рады Еўропы і знаходжання ў бяспечных і годных умовах для беларускіх грамадзян, якія бягуць ад рэжыму Лукашэнкі.
ПАРЕ падкрэсліла, што для прывядзення ў адпаведнасць з каштоўнасцямі Рады Еўропы і захавання свайго суверэнітэту і незалежнасці афіцыйная Беларусь павінна спыніць рэпрэсіі супраць сваіх грамадзян, вызваліць усіх палітычных зняволеных, «забяспечыць арганізацыю свабодных і сумленных выбараў і… зрабіць магчымай мірную перадачу ўлады».
Таксама ад уладаў Беларусі патрабуюць «неадкладна ўвесці мараторый на смяротнае пакаранне і прыняць меры для яго канчатковага скасавання».
Малдова афіцыйна заявіла пра непрызнанне выбараў Лукашэнкі
Якія краіны віншавалі Лукашэнку з перамогай у 2020-м, а цяпер ігнаруюць яго «пераабранне»
Пасля выбараў Вялікабрытанія і Канада пашырылі свае санкцыі супраць рэжыму Лукашэнкі
Пазняк задаволены «байкотам псеўдавыбараў» і бязлітасна праехаўся па канкурэнтах
Цяпер чытаюць
«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў1
Каментары