Галоўчанка: Беларусы за апошнія 10 гадоў сталі есці менш бульбы
Прэм'ер-міністр звязвае гэта з тым, што беларусы сталі багацейшымі.
Раман Галоўчанка распавёў, як змяніліся смакавыя перавагі беларусаў. Па яго словах, жыхары краіны сталі есці менш бульбы.
«Па статыстыцы, за апошнія 10 гадоў беларусы сталі ўжываць менш бульбы — нашай традыцыйнай культуры. Але гэта суправаджаецца адначасовым ростам спажывання садавіны і гародніны, прычым за 10 гадоў практычна на траціну», — адзначыў Галоўчанка.
Прэм'ер звязвае гэта з ростам даходаў і модай на здаровы лад жыцця, піша БелТА.
«Да гэтага вядзе рост даходаў насельніцтва, гэта значыць людзі могуць сабе дазволіць больш дарагую прадукцыю, а таксама ўкараненне ў наша свядомасць і практыку элементаў здаровага ладу жыцця, здаровага харчавання, спажыванне большай колькасці натуральнай клятчаткі», — дадаў Галоўчанка.
Па яго словах, у Беларусі ёсць попыт і на зялёныя культуры ўсіх відаў — баклажаны, пекінскую капусту, кабачок, салодкі перац.
«Таму ў стратэгіі развіцця цяплічнага гародніцтва Беларусі адведзена асаблівае месца гэтым культурам. Па агурку і памідору ўсё зразумела — гэта гародніна шырокага спажывання, а па астатніх ёсць смакавыя перавагі, таму мы зараз вырашылі кожны год дадаваць патроху і глядзець, як будзе рэагаваць рынак.
Ёсць яшчэ вялікі аб'ём імпарту (асабліва ранняй вясной) з больш цёплых краін, але мы разумеем, як рухацца далей», — рэзюмаваў Галоўчанка.
Цяпер чытаюць
Беларусам, якія сядзяць на хатняй хіміі за палітыку, прапануюць палёгку — перайсці на папраўчыя работы5
Беларусам, якія сядзяць на хатняй хіміі за палітыку, прапануюць палёгку — перайсці на папраўчыя работы
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары
Не. Проста з дыябетам нельга есці бульбу, рыс і макароны. Сахар падвышаецца.