Макрон: Еўропа гатовая павялічыць выдаткі на абарону і ўзяць на сябе адказнасць за бяспеку
Пра гэта прэзідэнт Францыі паведаміў пасля другой на гэтым тыдні тэрміновай сустрэчы лідараў заходніх краін. Пост з заявай апублікаваны на старонцы Эмануэля Макрона ў Х.
«Мы перакананыя ў неабходнасці павелічэння нашых выдаткаў і нарошчвання нашага патэнцыялу ў галіне абароны і бяспекі для Еўропы і кожнай з нашых краін. Рашэнні будуць прыняты ў бліжэйшыя дні і тыдні», — напісаў Макрон.
Другая за тры дні тэрміновая сустрэча лідараў заходніх краін завяршылася ў сераду. На ёй прысутнічалі прадстаўнікі ЕС, Канады, Ісландыі і Нарвегіі.
Макрон падкрэсліў, што Еўропа падтрымлівае Украіну і гатова прыняць на сябе адказнасць за забеспячэнне міру і бяспекі ў рэгіёне.
«Гэта фундаментальны інтарэс Францыі, і я яго гарант», — сказана ў заяве.
Першая ініцыяваная прэзідэнтам Францыі Эмануэлем Макронам сустрэча прайшла ў Парыжы 17 лютага. У тых перамовах бралі ўдзел лідары Францыі, Брытаніі, Германіі, Італіі, Іспаніі, Даніі, Польшчы, Нідэрландаў, а таксама кіраўнікі НАТА і ЕС.
Пра канкрэтныя рашэнні па выніках сустрэчы не паведамлялася, аднак у ЕС і НАТА заявілі пра неабходнасць больш інвеставаць у абарону, а таксама даць Кіеву надзейныя гарантыі бяспекі.
Цяпер чытаюць
Арыштаваны чыноўнік, які мог стаць наступным міністрам аховы здароўя10
Каментары