У Гомелі даўжніка шукалі чатыры месяцы. А ён увесь гэты час у грыме і на вазку прасіў міласціну па заданні
Мужчыну знайшлі выпадкова, калі яго пад пластом грыму пазнаў сябар дзяцінства.
Супрацоўнікі аддзела прымусовага выканання чатыры месяцы шукалі даўжніка. Як аказалася, 46-гадовы гамяльчук, які завінаваціўся больш за 2 тысячы рублёў, увесь гэты час дзеля ежы і месца для начлегу прасіў міласціну каля гандлёвых цэнтраў.
У 2023 годзе мужчына адбываў пакаранне ў месцах пазбаўлення волі. За гэты час страціў жонку, дом і нават пашпарт. А пасля вызвалення зразумеў, што на волі ён нікому не патрэбны, піша гомельскае выданне «Белка».
Аднак жа знайшліся людзі, якія знайшлі, як выкарыстаць мужчыну ў сваіх інтарэсах. Яны выдалі яму інваліднае крэсла, загрыміравалі і выставілі ў пэўнае месца збіраць міласціну. За гэта мужчыну кармілі і давалі яму начлег.
Нядаўна адзін з наведвальнікаў гандлёвага пункту пазнаў пад пластом грыму свайго сябра дзяцінства. Мужчына разгаварыў яго і паабяцаў дапамагчы. Ён валодае будаўнічай кампаніяй і гатовы прыняць таварыша на працу падсобным рабочым пры ўмове, што той пройдзе лячэнне ад алкагалізму.
Прамова гэтага мінскага выпускніка на лінейцы ў 2020-м узарвала інтэрнэт. Што з хлопцам цяпер?3
Каментары