Усяго патроху1818

Беларусь наведаў амерыканскі блогер на «ламбарджыні». Польскія памежнікі прапаноўвалі яму развярнуцца

Амерыканец выказаўся пра Mak.by і дамы ў Баранавічах.

Скрыншоты тут і далей: Camperghini / Instagram

Аўтар блога Camperghini — амерыканец па імені Конар — ладзіць кругасветнае падарожжа. Ён звольніўся з працы і прадаў усё, што меў, дзеля таго, каб набыць Lamborghini Urus, зрабіць яго прыдатным для жыцця і падарожжа па свеце.

Са Штатаў у Еўропу машыну даставілі грузавым самалётам, які даставіў Lamborghini у Германію. 

Шыкоўнае аўто ён купіў вясною 2023 года, а зімою 2025-га ўжо паспеў дабрацца да Беларусі. Наша краіна стала 31-й у маршруце амерыканца. 

На беларуска-польскай мяжы блогер прастаяў 7 гадзін. Ён назваў яе мяжой паміж Захадам і Усходам. Хлопец адзначыў, што польскія пагранічнікі папярэдзілі яго, што яшчэ не позна вярнуцца. 

У Брэсце амерыканец наведаў Брэсцкую крэпасць. А знаходзячыся побач з Mak.by, пажартаваў, што так выглядае падсанкцыйны McDonald's. 

Па дарозе ў Мінск ён праехаўся праз Баранавічы. Новыя мікрараёны з тыповымі для нашай краіны шматпавярховікамі амерыканец назваў забудовай у савецкім стылі.

На беларускай запраўцы блогера са Штатаў цікавіла пытанне, ці не разбаўляюць на нашых АЗС паліва і ці можна быць упэўненым, што пад маркай АІ-98 будзе менавіта такі бензін. 

У Мінску амерыканец ночыў на паркоўцы непадалёк ад Нацыянальнай бібліятэкі. На сняданак ён смажыў сабе яечню, а пасля са здзіўленнем назіраў за тым, як людзі катаюцца на каньках па Свіслачы. 

Натуральна, што ў культурную праграму амерыканца ўваходзіла экскурсія ў саму бібліятэку і на аглядальную пляцоўку. 

Таксама падчас падарожжа па Беларусі Конар сустрэўся з аўтааматарамі з клуба VagBelarus, якія падарылі яму сваю клубную налепку. 

А таксама паспеў парадаваць беларускіх дзяцей, якіх пусціў за стырно машыны і дазволіў ім пагазаваць. 

Пасля Беларусі Конар плануе наведаць Расію, а потым адправіцца ў Казахстан. Па ўсёй бачнасці амерыканец не асцерагаецца наведваць краіны з аўтарытарнымі рэжымамі. 

У снежні 2024 года ён ужо быў у Прыднястроўі, а ў адным з інтэрв'ю Конар прызнаўся, што хацеў бы трапіць на сваёй Lamborghini Urus у Паўночную Карэю. 

У інстаграме за кругасветным падарожжам Конара сочаць 65 тысяч чалавек і амаль 11 тысяч падпісчыкаў у ютубе

Каментары18

  • Дональд
    25.02.2025
    Народная дыпляматыя !
  • Барадзед
    25.02.2025
    Ну зачем? Зачем вы Ламборгини называете Ламборджини?
  • Такі так)
    25.02.2025
    Прызнаюся - і я раней лічыў, што Ламбарджыні, але ж не :
    "Automobili Lamborghini S.p.A. (итал: Lamborghini — [lamborˈɡiːni] — Ламборги́ни[7])"
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца

Усе навіны →
Усе навіны

Гайдукевіч параіў выкладваць у тыкток «не дупу»16

Беларуска падзялілася ўражаннямі ад аўтобуснага тура ў Дагестан — 32 гадзіны да першага начлега2

Ахматавец у Курскай вобласці расстраляў краму з гранатамёта. Z-каналы заклікалі пакараць яго, але позна2

Новы фільм з «дзіцём Беларусі». Як «Балерына» працягвае справу Джона Уіка7

У жанчыны ў Германіі нарадзіўся 100-ы праўнук

У Беларусі крытычна падае нараджальнасць. А як у суседніх краінах?16

Расіяне нанеслі масіраваны ўдар па Кіеве і Адэсе1

Актрыса Ганна Хітрык паведаміла, што рак вярнуўся6

Чаму ў сярэднім узросце наша талія павялічваецца? Прычына нечаканая1

больш чытаных навін
больш лайканых навін

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца

Галоўнае
Усе навіны →

Заўвага:

 

 

 

 

Закрыць Паведаміць