Знайшлі серыйных забойцаў, якія трымалі ў страху Варшаву. Гэта паляк і ўкраінец
Пракурор назваў іх «сучаснымі Радзівонамі Раскольнікавымі».
У апошнія дні па Варшаве хадзілі чуткі пра серыйнага забойцу. У ноч на 16 лютага ў кватэры ў цэнтры горада была знойдзена мёртвай 80-гадовая жанчына. На яе целе былі відаць сляды барацьбы, а з яе кватэры зніклі карціны, электроніка і плацежныя карты.
Другое забойства адбылося ў ноч на 23 лютага. Ахвярай стала 89-гадовая жанчына, кватэра якой была абрабаваная. Як паказала экспертыза, яе задушылі.
Трэцяя драма адбылася ў ноч на 25 лютага. У сваёй кватэры была забітая 73-гадовая жанчына. Па словах паліцыі, злачынец, хутчэй за ўсё, звязаў ахвяру і прымусіў жанчыну звярнуцца ў банк, каб атрымаць доступ да яе сродкаў. Як расказаў кансультант банка, яна гаварыла невыразна, як быццам ёй нехта заткнуў рот, таму ён паведаміў у паліцыю.
Супрацоўнікі паліцыі, якія прыехалі на месца здарэння, знайшлі там мужчыну, які паспрабаваў уцячы праз акно другога паверха. Яго арыштавалі. Паліцыя паведамляе, што ім аказаўся 45-гадовы паляк, які ў мінулым ужо прыцягваўся да адказнасці за дробныя правапарушэнні. У момант затрымання мужчына знаходзіўся пад уздзеяннем наркотыкаў. Супрацоўнікі паліцыі знайшлі ў паляка каштоўныя рэчы забітых.
Наступнай ноччу па месцы жыхарства быў таксама затрыманы 33-гадовы грамадзянін Украіны, які да гэтага не меў праблем з законам.
Па словах прадстаўніка акруговай пракуратуры Варшавы, ахвяры ведалі падазраваных. Мужчыны займаліся дробным рамонтам, у тым ліку сантэхнікай, і так знаёміліся са сваімі ахвярамі. Справу службовец назваў «справай двух сучасных Радзівонаў Раскольнікавых», якія «дзейнічалі з самых нізкіх памкненняў».
45-гадоваму паляку выстаўлена пяць абвінавачанняў. З іх два ў забойстве з мэтай рабавання, якія ён дзейсніў самастойна, а таксама адно — сумесна і па змове з грамадзянінам Украіны. Што да 33-гадовага ўкраінца, то яму былі выстаўленыя абвінавачанні ў скупцы крадзенага і забойстве.
Акрамя таго, паліцыя знайшла ў сантэхнікаў рэчы чацвёртай жанчыны, якая была знойдзена мёртвай у сваёй кватэры. Першапачаткова лічылася, што яна памерла сваёй смерцю. Аднак, як паказала экспертыза, прычынай смерці жанчыны мог стаць сардэчны прыступ, выкліканы стрэсам, звязаным з рабаваннем.
Па словах пракурора, паляк і ўкраінец прызналі сябе вінаватымі. Яны таксама далі паказанні. Аднак пададзеныя імі звесткі істотна адрозніваюцца ад таго, што ўдалося высветліць.
Як паведамляе польская прэса, расследаванне працягваецца. Увага паліцыі звернутая на іншыя невытлумачальныя выпадкі смерцяў пажылых жанчын у Варшаве.
18-гадовую расіянку ў Турцыі асудзілі на 15 гадоў за тое, што яна пакінула немаўля ў прыбіральні аэрапорта
Мінчук, які павінен быў даглядаць смяротна хворых у хоспісе, афармляў на іх мікрапазыкі
«Біў нажом, відэльцам і прасам». У Мінску судзяць беларуса, які 25 гадоў таму забіў брытанскага прадзюсара ў Маскве
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»4
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары