Свет11

Краіны Еўрасаюза ўзгаднілі запуск новай сістэмы ўезду і выезду ў Шэнгенскую зону

Краіны Еўрапейскага Саюза 5 сакавіка нарэшце дамовіліся пра сістэму ўезду/выезду (EES) — аўтаматызаваны рэестр для кароткатэрміновых падарожнікаў, увядзенне якога неаднаразова адкладалася праз тэхнічныя праблемы і недастатковую гатоўнасць, піша Euronews.

Фота ілюстрацыйнае

Пагадненне, дасягнутае міністрамі ўнутраных спраў краін Еўрасаюза ў Брусэлі, адкрывае шлях да магчымага пачатку працы сістэмы восенню, хоць канкрэтная дата пакуль не вызначаная.

Цяпер у дзяржаў — членаў Еўрасаюза будзе два варыянты: запусціць новую сістэму адразу ж ці ў некалькі этапаў на працягу шасцімесячнага пераходнага перыяду, пасля заканчэння якога ўсе рэгістрацыі пры перасячэнні мяжы павінны рабіцца ў рамках EES.

Паэтапны падыход не быў прадугледжаны ў першапачатковым заканадаўстве. Аднак пасля ўсебаковай сустрэчы ў лістападзе ён быў выдзелены ў якасці жыццяздольнай альтэрнатывы для выхаду з зацягнутага тупіка і ўкаранення доўгачаканай сістэмы.

Польшча як краіна, якая цяпер выконвае старшынства ў Радзе ЕС на ратацыйнай аснове, узначаліць перамовы з Еўрапейскім парламентам для дасягнення канчатковага пагаднення па змененым законе, што, як чакаецца, адбудзецца гладка.

«Кастрычнік — гэта наш гарызонт, — заявіў Томаш Семоняк, міністр унутраных спраў і адміністрацыі Польшчы. — Сістэма надасць службам дзяржаў-членаў цалкам новыя інструменты для кантролю за тым, хто заязджае і выязджае з Шэнгенскай зоны, для паліцыі і памежнікаў. Гэта абсалютна неабходна».

EES — гэта комплексная рэформа, якая пачалася яшчэ ў 2016 годзе і неаднаразова адкладалася. Яе галоўная мэта — мадэрнізаваць праверкі на знешніх межах ЕС і замяніць традыцыйны фізічны штамп у пашпарце.

EES будзе прымяняцца да грамадзян краін, што не ўваходзяць у ЕС, якія прыязджаюць у блок з мэтай турызму, адпачынку або дзелавой паездкі і застаюцца ў агульным ліку да 90 дзён на працягу 180-дзённага перыяду.

Пасля ўвядзення сістэмы ў дзеянне наведвальнікі павінны будуць паказваць свае пашпарты па прыбыцці, а таксама фатаграфаваць твар і сканаваць адбіткі пальцаў у электронным выглядзе. Усе ўезды і выезды з бяспашпартнай Шэнгенскай зоны будуць фіксавацца.

Збор біяметрычных даных і абмен інфармацыяй у рэжыме рэальнага часу закліканы дапамагчы ўладам спыніць дзеянні тых, хто пратэрміноўвае кароткатэрміновыя візы і здзяйсняе махлярства з асабістымі данымі.

У схеме возьмуць удзел усе краіны — члены ЕС, акрамя Кіпра і Ірландыі, а таксама чатыры асацыяваныя члены Шэнгенскага пагаднення — Ісландыя, Ліхтэнштэйн, Нарвегія і Швейцарыя.

На Кіпры і ў Ірландыі штампы ў пашпартах па-ранейшаму будуць прастаўляцца ўручную.

Каментары1

  • Жвір
    05.03.2025
    Гэта галоўным чынам дзеля кантролю ўнутраных межаў краінаў ЕЗ, каб адсочваць перамяшчэньні ўехаўшых унутры ЕЗ праз сыстэмы распазнаваньня. Бо пастаянны фізычны кантроль на ўнутраных межах ЕЗ арганізаваць цяжка, толькі перыядычныя праверкі.
    Кіпр і Ірляндыя, гэта выспы, там такая сыстэма ў прынцыпе ня мае сэнсу, там фізычны кантроль існуе пастаянна.

Цяпер чытаюць

Каб доўга не стаяць на мяжы з Польшчай, дзяўчына скарысталася лайфхакам. Вынік: віза згарэла, вандроўка сапсаваная3

Каб доўга не стаяць на мяжы з Польшчай, дзяўчына скарысталася лайфхакам. Вынік: віза згарэла, вандроўка сапсаваная

Усе навіны →
Усе навіны

У Літву з тэрыторыі Беларусі заляцеў нейкі апарат. Спачатку падумалі — шахед4

Аляксандр Машэнскі больш не ганаровы консул Ісландыі ў Беларусі4

У Кіеве забіты палкоўнік СБУ. Расійскія каналы пішуць, што ён займаўся дыверсіямі ў Расіі7

Заснаваны беларусам стартап выпусціў ШІ-браўзер

«Кружляў над Гомелем паўтары гадзіны». Што паведамлялі людзі пра расійскія дроны, што заляцелі падчас начной атакі Украіны

«Я задзяўблася!» Беларуска ў шаленстве ад якасці сувязі МТС14

Зеландыя: кантынент, які амаль цалкам схаваны пад вадою1

Следчы камітэт апублікаваў падрабязнасці гібелі жанчыны ў Магілёве, на якую ўпала дрэва

Прапагандысты пасля роліку ў тыктоку паехалі ў вясковую краму — там ужо ўсе задаволеныя, а паліцы поўныя14

больш чытаных навін
больш лайканых навін

Каб доўга не стаяць на мяжы з Польшчай, дзяўчына скарысталася лайфхакам. Вынік: віза згарэла, вандроўка сапсаваная3

Каб доўга не стаяць на мяжы з Польшчай, дзяўчына скарысталася лайфхакам. Вынік: віза згарэла, вандроўка сапсаваная

Галоўнае
Усе навіны →

Заўвага:

 

 

 

 

Закрыць Паведаміць