Грамадства99

Касы самаабслугоўвання сталі патрабаваць ад беларусаў сканаваць адразу па два коды. Навошта?

Касы самаабслугоўвання ў гандлёвай сетцы «Еўраопт» для многіх пакупнікоў сталі ўжо звыклымі і простымі ў абыходжанні. Аднак на мінулым тыдні некаторыя маглі заўважыць незвычайнае новаўвядзенне як мінімум у адным з гіпермаркетаў. Для таго каб дадаць тавар у кошык, цяпер патрабуецца сканаваць не толькі стандартны штрых-код, але і QR-код. Журналістка Telegraf.news патэлефанавала ў адну з крамаў як пакупніца, каб даведацца, з чым звязаныя змены ў працы кас самаабслугоўвання і як паскорыць працэс куплі тавару.

Незвычайнае новаўвядзенне заўважыў журналіст Telegraf.news у гіпермаркеце сеткі «Еўраопт» на вуліцы Мантажнікаў у Мінску. Пры спробе адсканаваць тавар на касе самаабслугоўвання праграма запатрабавала не толькі штрых-код, але і QR-код з упакоўкі.

Каб дадаць тавар у кошык, давялося сканаваць яго два, а часам і тры разы. На некаторых прадуктах было некалькі QR-кодаў, і не ўсе яны падыходзілі для аплаты. Акрамя таго, калі спачатку адсканаваць штрых-код, то праграма запытвала QR-код, а калі пачаць з QR-кода — патрабаваўся штрых-код.

У лік тавараў, для якіх спатрэбілася падвойнае сканаванне, трапілі сок, сыр, малако і кава.

Каб высветліць прычыну зменаў, журналісты звярнуліся на гарачую лінію «Еўраопта». Аднак там не змаглі даць тлумачэнні і параілі звязацца з канкрэтнай крамай, дзе было заўважана новаўвядзенне.

Фота: Telegraf.news

Супрацоўнікі сталічнага гіпермаркета «Еўраопт» растлумачылі, што дакладныя прычыны новаўвядзення невядомыя. Па іх словах, гэта тэставанне новай функцыі ў рамках ужо наяўнай праграмы, якое праводзіцца ва ўсёй гандлёвай сетцы.

«Мы ж ужо ўсе так мучаемся. Адзінае, што магу вам падказаць, прабівайце не штрых-код, а адразу QR-код. Вы прабіваеце QR-код — і штрых-код ён не запытвае. Калі вы купляеце некалькі аднолькавых слоічкаў, вы не зможаце, як раней, дадаць колькасць, паставіць тры. Прыйдзецца сканаваць па аднаму слоічку. Але з QR-кодам яно праходзіць адразу» — патлумачыла супрацоўніца.

Праўда, калі журналіст Telegraf.news спрабаваў прымяніць стратэгію «сканаваць толькі QR-код», яна не спрацавала. Аднак з моманту тэставання нешта магло змяніцца.

Супрацоўніца таксама ўдакладніла, што новаўвядзенне тычыцца не ўсіх тавараў, а толькі асобных катэгорый — малочных прадуктаў і напояў. Як доўга будзе праходзіць тэставы перыяд і ці будзе новаўвядзенне ўведзена на пастаяннай аснове, у краме не ведаюць.

Каментары9

  • feafania
    10.03.2025
    Відавочна, новаўвядзеньне зьвязана з прасьлежваемасьцю тавараў і маркіроўкай. Лукашэнкаўскія чыноўнікі баяцца, што хаця б адзін сырок пройдзе міма іх касы, таму сумесна з расеякамі прыдумалі гэтую ідыёцкую сістэму. Дакладней сказаць, некалькі ідыёцкіх сістэм. Лукашысты хочуць ведаць усё, пры гэтым, як заўсёды, пакутуюць простыя людзі. Але яны прыкрываюцца пажаданьнямі працуючых - вы можайце зайсьці на іх сайт і прасьледзьці гісторыю гэтага сырка і ўпэўнецца, што ён сапраўдны.
  • смекалочка
    10.03.2025
    Может, прокатывало сканировать спрятанный в кармане отрезанный штрих-код от дешманского сыра, беря при этом пармезан того же веса? Предположение просто.
  • Воцат
    10.03.2025
    Буквально сегодня думал, когда уже ИИ на кассах будет видеть что мне больше 18 и не придётся гукать и ждать тётку, чтобы сняла ограничение на спиртное. Реально бесит.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Беларуска расказвае, як з 15 гадоў жыве з шызафрэніяй

Беларуска расказвае, як з 15 гадоў жыве з шызафрэніяй

Усе навіны →
Усе навіны

У Беларусі пачынаюць прадаваць электракары за 20 900 рублёў. Але выглядаюць яны вельмі незвычайна2

Келаг плануе паездку ў Беларусь і сустрэчу з Лукашэнкам. Пры гэтым можа быць вызваленая група палітвязняў36

Вярхоўны лідар Ірана Хаменеі заклікаў да рашучых дзеянняў у дачыненні да Ізраіля

Пяць гадоў таму затрымалі Віктара і Эдуарда Бабарыкаў

Беларускі спецыяліст дапамог «Фларыдзе» другі год запар стаць уладальнікам Кубка Стэнлі2

ЗША прывялі войскі на Блізкім Усходзе ў павышаную гатоўнасць пасля экстраннай нарады Трампа з генераламі

Нечаканая зброя супраць раку — супрацьзапаленчыя прэпараты2

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў19

400 балаў на ЦТ і ЦЭ атрымалі адразу дзве дзяўчыны з Ліды1

больш чытаных навін
больш лайканых навін

Беларуска расказвае, як з 15 гадоў жыве з шызафрэніяй

Беларуска расказвае, як з 15 гадоў жыве з шызафрэніяй

Галоўнае
Усе навіны →

Заўвага:

 

 

 

 

Закрыць Паведаміць