Сталі вядомыя вынікі ЦТ па гісторыі Беларусі, грамадазнаўстве, хіміі і фізіцы
У сераду Міністэрства адукацыі абнародавала вынікі цэнтралізаванага тэсціравання за 5 чэрвеня. У гэты дзень абітурыенты здавалі чатыры прадметы: гісторыю Беларусі, хімію, фізіку і грамадазнаўства.
ЦТ па пералічаных дысцыплінах здавалі 29,2 тысячы абітурыентаў. Максімальны вынік 100 балаў паказалі 99 чалавек: 46 — па хіміі, 35 — па грамадазнаўстве, 11 — па фізіцы і ўсяго 7 — па гісторыі Беларусі.
Найвышэйшы сярэдні бал — па грамадазнаўстве (59,8), па фізіцы — 55,2, па гісторыі Беларусі — 53,8. Найніжэйшы — па хіміі (48,9).
Атрымаць інфармацыю пра вынікі тэсціравання можна ў асабістым кабінеце на сайце Рэспубліканскага інстытута кантролю ведаў. Забраць сертыфікаты ЦТ будзе магчыма з 1 ліпеня ў месцах правядзення тэсціравання.
Каментары