Мінчанка аднесла падушку ў чыстку, а там знайшлі 4 тысячы даляраў
Аказваецца, бабуля падрыхтавала ўнучцы сюрпрыз.
Мінчанка аднесла падушку ў чыстку.
Як распавёў гаспадар адной са сталічных фірмаў па чыстцы падушак Рэнат, такога ў яго 18-гадовай практыцы яшчэ не сустракалася. Пры апрацоўцы пёраў знаходзілі ўсякае: сашчэпкі, цвікі, шпількі, але чатырох тысяч даляраў і 200 еўра, такога не сустракалася, пішуць Лунінецкія навіны.
«У мяне і ў думках не ўзнікла прысвоіць грошы сабе, — кажа мужчына. — Адразу ж аддаў знаходку кліентцы. Дзяўчына была ў здзіўленні і захапленні. Яна распавяла, што падушка належала яе бабулі, якая летась памерла. Бабулька намякала ўнучцы, што, маўляў, пакінула для цябе спадчыну, а дзе, не ўдакладніла. І вось тут такі сюрпрыз».
Каментары