Міністэрства сельскай гаспадаркі і харчавання Беларусі занепакоена станам азімых. паведаміў сёння на прэс‑канферэнцыі ў Мінску намеснік кіраўніка міністэрства Васіль Паўлоўскі.
«У нас будуць праблемныя пытанні па перазімоўцы азімых», — канстатаваў намеснік міністра. Паступіла ўжо інфармацыя, што каля 13 працэнтаў азімага жыта на лёгкіх глебах Брэсцкай вобласці пацярпела ад непагадзі. Мінсельгасхарч даручыў сваім інспекцыям вывучыць сітуацыю, даследаваць стан азімых у цэлым па рэспубліцы. Папярэднія вынікі такіх даследаванняў стануць вядомы праз тыдзень. «Поўная карціна будзе, калі сыдзе снег», — сказаў Васіль Паўлоўскі.
Пры гэтым ён адзначыў, што галоўнае, каб азімыя захавалі пункты росту: наземная маса можа ўся адмерці, а пункт росту захаваецца і ў далейшым дасць новыя парасткі, і гэта не паўплывае на ўраджайнасць.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары