У Беларусі вырабілі каўбасу са смакам хамона. У сацсетках — шквал незадаволенасці
Навінкай пахваліўся Брэсцкі мясакамбінат у сацсетках. Але пакупнікі яе не ацанілі
Вытворца заяўляе, што сыравэнджаная каўбаса, якую вырабляюць са свініны і ялавічыны, мае ярка выражаны смак іспанскага дэлікатэса, а таксама насычаны і саладкаваты прысмак.
Для вэнджання каўбасы выкарыстоўваюць букавыя дранкі.
Навінка ўжо з'явілася ў крамах па цане каля 30 рублёў за кілаграм. Аднак, тыя, хто паспеў пакаштаваць каўбасу, скардзяцца ў каментарах, што яна атрымалася жылістай і нясмачнай, і што да хамону смак не падобны і блізка.
Хамон — нацыянальная іспанская страва, якая ўяўляе сабой сыравялены свіны кумпяк.
Цяпер чытаюць
Максім Знак наведаў спектакль «Зэкамерон», пастаўлены па ягонай кнізе, напісанай у СІЗА4
Каментары