Затанулую ў літоўскім балоце амерыканскую бронемашыну знайшлі, а вайскоўцаў яшчэ шукаюць
Старшыня Камітэта па нацыянальнай бяспецы і абароне Сейма Літвы Гядрымас Яглінскас і палкоўнік у адстаўцы Гінтарас Ажубаліс у эфіры LRT расказалі, што вядома пра амерыканскую бронемашыну, якая затанула ў балоце на літоўска-беларускай мяжы, і ці сапраўды амерыканскія вайскоўцы, якія складалі яе экіпаж, загінулі.
Паводле інфармацыі Гядрымаса Яглінскаса, машына знойдзена, а пошукі вайскоўцаў толькі вядуцца. Пацвердзіць іх гібель пакуль літоўскія афіцыйныя крыніцы не могуць, такой інфармацыі не паступала ні ад літоўскай арміі, ні ад амбасады ЗША.
Транспартны сродак, які затануў, вельмі цяжкі — 60-70 тон, а месца затаплення — глыбокае балота. Таму падняць машыну вельмі складана. Для гэтага патрабуюцца спецыяльныя сродкі.
«Я ўпэўнены, што службы выратавання, паліцыя і армія знойдуць спосаб вырашыць гэтую праблему як мага хутчэй. Пасля гэтага ў нас будзе больш інфармацыі пра лёс чатырох вайскоўцаў. Пакуль што нічога не пацверджана, чакаем афіцыйных даных ад следства і амбасады ЗША», — паведаміў літоўскі парламентарый.
Паводле слоў Гінтараса Ажубаліса, затанулая машына —
«стандартны амерыканскі армейскі танкавы эвакуатар — па сутнасці, танк без баявога модуля. Ён прызначаны для эвакуацыі танкаў і іншай цяжкай тэхнікі з поля бою пры баявых дзеяннях, а ў мірны час — для буксіроўкі пашкоджанай тэхнікі. У кожным батальёне такіх машын звычайна 3-4 адзінкі. Яны ўвесь час суправаджаюць манеўраныя роты. Такія машыны ёсць і ў баявых групах. Напрыклад, у Літве яны выкарыстоўваюцца ў артылерыйскіх батальёнах, але ўжо на базе нямецкага танка Leopard».
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары