Трамп вядзе перамовы з В’етнамам, Індыяй і Ізраілем аб змякчэнні гандлёвых тарыфаў
Паводле даных крыніц тэлеканала CNN, прадстаўнікі краін дамаўляюцца пра заключэнне гандлёвых пагадненняў, якія маглі б знізіць абвешчаныя ў дачыненні да іх пошліны.
Як дадае выданне Axios, у панядзелак, 7 красавіка, з мэтай дамовіцца «аб здзелцы па адмене пошлін» Белы дом наведае прэм’ер-міністр Ізраіля Біньямін Нетаньяху. Ён стане першым лідарам дзяржавы, які будзе дамаўляцца пра гэта асабіста з Трампам.
Згодна з інфармацыяй Axios, раней Ізраіль спрабаваў пазбегнуць увядзення тарыфаў, абвясціўшы, што адмаўляецца ад усіх пошлін на амерыканскія тавары, але гэта «не спрацавала».
У сераду, 2 красавіка, прэзідэнт ЗША Дональд Трамп увёў тарыфы на імпарт тавараў у ЗША для больш як 200 краін і тэрыторый. Для В’етнама, Індыі і Ізраіля яны склалі 46%, 26% і 17% адпаведна.
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары