Былая дэлегатка Каардынацыйнай рады расказала, як цяпер кіруе кветкавым бізнэсам у Варшаве
Менеджарка і актывістка Ганна Краўчанка некалькі год прапрацавала ў некамерцыйных беларускіх праектах, але нядаўна вырашыла заняцца бізнэсам. У верасні 2024 года жанчына выкупіла кветкавую краму ў Варшаве.
У падкасце «Жэмчуг» Краўчанка расказала, што ўсё жыццё захаплялася кветкамі — гэта ў яе ад маці, якая вырошчвала іх на прыватным участку. Муж рэгулярна дарыў Ганне букеты, але, калі выбіраў іх сам, кампазіцыя не заўсёды ёй падабалася.
Тады на святкаванне Новага года ён прэзентаваў ёй падпіску ад кветкавай майстэрні. Прадукцыя спадабалася беларусцы. Праз некаторы час Краўчанка даведалася, што заснавальнікі ўжо не могуць выдаткоўваць шмат сілаў на развіццё бізнэсу.
«Мне было крыўдна, бо разумела, што бізнэс можа проста спыніць дзейнасць. Фінансавая мадэль, якую выбралі ад самага пачатку, не працавала так, як яны чакалі. Я зразумела, што пытанне ў менеджменце і фінансах, а гэта якраз мая спецыфіка», — падзялілася жанчына.
У той жа час у іншых праектах Ганна адчувала недахоп прафесійнага развіцця, таму вырашыла выкупіць маленькую кампанію. Уладальнікі пагадзіліся — з 2 верасня 2024 года ёй належыць 85% бізнэсу.
Зараз беларуска наладжвае працэсы ў кампаніі так, каб справа стала «стабільным, спакойным бізнэсам». Але ці гэта атрымаецца, прадпрымальніца будзе разумець па выніках года — кветкі, як яна кажа, сезонны даход.
Часцей за ўсё пакупнікі ў краме — беларусы ці ўкраінцы, якія пераехалі ў Варшаву. Букеты заказваюць і бізнэсы. Падпіску на кветкі аформілі таксама жыхары аднаго з люксавых пад'ездаў у горадзе.
У Каардынацыйнай радзе мінулага склікання актывістка выступала ад фракцыі «Моладзевы наступ».
З 2021 года Краўчанка кіруе сваім некамерцыйным праектам «РухБот», які збірае беларускія грамадзянскія ініцыятывы, да іх можна далучыцца. У 2022-2024 гадах жанчына працавала ў Цэнтры новых ідэй і ў кампаніі па вызваленні палітвязняў Politzek.
Да 2020 года выпускніца БДЭУ была менеджаркай у беларускіх кампаніях Bely-grad і «Футберг».
-
Дзядок — апазіцыянерам: Займаючыся дыскрэдытацыяй Офіса Ціханоўскай, вы льяце ваду на млын рэжыму
-
«Марзалюк — гэта наш зубр». Як праўладны гісторык нечакана стаў трэндам для зумераў у тыктоку
-
«Шатл-бас спачатку спыніўся, а потым пачаў павольна каціцца назад». Беларус, які стаў відавочцам аварыі ў Тайландзе, расказаў падрабязнасці
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары
Букет мне вельмі спадабаўся.