Вайна22

ISW: У Пуціна засталося рэсурсаў на 12-16 месяцаў вайны

Прэзідэнт Расіі Уладзімір Пуцін зможа працягваць вайну з Украінай з бягучымі маштабамі страт арміі яшчэ 12-16 месяцаў. Такую ацэнку ў інтэрв'ю The New York Post выклаў Джордж Барас, галоўны эксперт па Расіі амерыканскага Інстытута вывучэння вайны (ISW), піша The Moscow Times.

Уладзімір Пуцін. Фота: Gavriil Grigorov, Sputnik, Kremlin Pool Photo via AP

Як лічыць Барас, прыкладна праз год могуць быць вычарпаныя як рэзервы бюджэту для фінансавання баявых дзеянняў, так і магчымасці ўладаў знаходзіць «добраахвотнікаў» для фронту.

Цяпер расійскія рэгіёны вярбуюць штодня 1-1,5 тысячы чалавек, завабліваючы на вайну шчодрымі бонусамі, сярэдні памер якіх дасягае 1,4 мільёна рублёў (каля 14 700 даляраў). Гэта дазваляе кампенсаваць франтавыя страты, якія НАТА ацэньвае ў 30-45 тысяч чалавек штомесяц і больш за 900 тысяч чалавек з пачатку вайны.

Аднак падтрымліваць гэты тэмп набору ў войска ўлады бясконца не змогуць, упэўнены Барас: ім давядзецца працягваць павышаць бонусы, каб «паляваць за дэмаграфічнай базай» яшчэ не адпраўленых на фронт мужчын, і ў канчатковым выніку гэтая палітыка ўпрэцца ў праблемы бюджэту.

Цяпер толькі выплата «бонусаў» за падпісанне кантракту абыходзіцца расійскаму бюджэту ў 2 мільярды расійскіх рублёў (каля 23,7 мільёна даляраў) у дзень, або 730 мільярдаў рублёў (каля 8,6 мільярда даляраў) у год. Гэта амаль удвая больш за гадавыя бюджэты багатых і буйных рэгіёнаў, такіх як Свярдлоўская вобласць або Краснаярскі край.

Крэмль разлічвае на тое, што адміністрацыя Дональда Трампа прыпыніць або скароціць дапамогу Украіне — гэта зменшыць страты расійскага войска і дазволіць Пуціну працягваць вайну даўжэй, мяркуе Барас.

«Канфлікт будзе вырашаны ваенным шляхам, — упэўнены ён. — Усё залежыць толькі ад таго, будзе гэта перамога Расіі ў той ці іншай форме ці перамога Украіны ў той ці іншай форме».

За 2022-2024 гады ўрад Расіі выдаткаваў на вайну 22,3 трыльёна рублёў (каля 234,7 мільярда даляраў), а каб закрыць бюджэтныя «дзіркі», выдаткаваў дзве траціны свабодных сродкаў Фонду нацыянальнага дабрабыту (ФНД): яго ліквідныя актывы за тры гады скараціліся на $106 млрд і апусціліся да мінімуму за апошнія 17 гадоў. У бюджэт-2025 Крэмль заклаў яшчэ 13,2 трыльёна рублёў (каля 139 мільярдаў даляраў) ваенных выдаткаў і вымушаны зноў выдаткоўваць ФНД, каб кампенсаваць правал нафтагазавых паступленняў праз рэзкае падзенне цэнаў нафты.

У красавіку барэль гатунку Urals упершыню амаль за два гады прадавалі танней за $50 за барэль. А пры такіх цэнах ФНД хопіць прыкладна на год, ацэньвае Вольга Беленькая, эканамістка «Фінама».

З нафтай ніжэй за $50 бюджэт недаатрымае 1,9 трыльёна рублёў (каля 20 мільярдаў даляраў) сыравіннай рэнты, а калі Urals патаннее да $45 — амаль 3 трыльёны рублёў (каля 31,6 мільярда даляраў), падлічылі аналітыкі Райфайзэнбанка.

Каментары2

  • ололо
    15.04.2025
    ахахахах ну-ну
  • Размышления
    14.06.2025
    «Конфликт будет решен военным путем, — уверен он. — Все зависит только от того, будет ли это победа России в той или иной форме или победа Украины в той или иной форме».

    Согласен. Только почему в статье нет анализа оставшихся ресурсов у Зеленского?

Цяпер чытаюць

За апошнія 10 гадоў арэндныя стаўкі выраслі ўдвая. За колькі цяпер здаюць кватэры2

За апошнія 10 гадоў арэндныя стаўкі выраслі ўдвая. За колькі цяпер здаюць кватэры

Усе навіны →
Усе навіны

Як на запраўках кінуліся выконваць загад Лукашэнкі ФОТЫ27

У Расіі пасля ўдараў дронаў гараць Навакуйбышаўскі нафтаперапрацоўчы завод у Самары і газаперапрацоўчы завод у Арэнбургу3

Лявон Халатран адкрыў з камандай бістро-бар у Варшаве — чым будуць здзіўляць?

Беларусу ў рэшце трапіла незвычайная манета. Яна каштуе значна даражэй за намінал1

Чаму так шмат «срачыкаў» у апазіцыі і што з імі рабіць? Дзядок адрэагаваў на канфлікты ў дэмакратычным руху32

«Не каралям!» У ЗША прайшлі маштабныя акцыі пратэсту супраць Трампа. Той адказаў у сваёй манеры16

Ратавальніка са Смілавічаў асудзілі да калоніі за Гаюна і «здраду дзяржаве»

Журналісты падлічылі, колькі спатрэбілася б часу Расіі пры цяперашніх тэмпах на поўную акупацыю Украіны16

«Самага прывабнага саджаеш наперад, і ўсё без палева». Як і за колькі перавозяць у Еўропу нелегальных мігрантаў з беларускай мяжы8

больш чытаных навін
больш лайканых навін

За апошнія 10 гадоў арэндныя стаўкі выраслі ўдвая. За колькі цяпер здаюць кватэры2

За апошнія 10 гадоў арэндныя стаўкі выраслі ўдвая. За колькі цяпер здаюць кватэры

Галоўнае
Усе навіны →

Заўвага:

 

 

 

 

Закрыць Паведаміць