Эканоміка9191

«Прапаганда, як у Паўночнай Карэі». Палякі не вераць выбару тавараў у бабруйскім «Грыне»

Тыктокерка апублікавала відэа з гіпермаркета «Грын» і сабрала сотні каментаў ад палякаў. Тыя не вераць, што ў Беларусі працуюць такія крамы, і называюць ролік паказухай.

Відэа, пра якое ідзе гаворка, выйшла 5 дзён таму і мае ўжо амаль 54 тысячы праглядаў. Тыктокерка tu.polanka проста прайшлася па адным з беларускіх гіпермаркетаў і зняла ўсё тое, што можна там набыць, а ў каментах адзначыла, што гэты «Грын» знаходзіцца ў Бабруйску. 

Акаунт, дзе выйшаў ролік, польскамоўны, таму відэа прывабіла перш за ўсё палякаў.

І ролік іх настолькі здзівіў, што яны пакінулі пад ім сотні каментароў. Самая папулярная думка — параўнанне з КНДР, дзе, як лічыцца, існуюць паказушныя крамы з багатым асартыментам:

«Такая прапаганда, як у Паўночнай Карэі: крамы нібыта ёсць, але мясцовыя ў іх не ходзяць, бо няма за што».

«Крама як у Паўночнай Карэі. Багата тавару і нейкія статысты».

«Колькі такіх крамаў у Беларусі, пяць-шэсць».

«У Паўночнай Карэі таксама такія крамы ёсць, калі Кім прыязджае».

Палякі часткова аргументавалі свой недавер тым, што ў відэа амаль няма пакупнікоў. Пры гэтым невядома, калі знялі ролік — магчыма, гэта была сярэдзіна працоўнага дня. Адна з каментатарак патлумачыла паўпустую краму яшчэ і тым, што ў Беларусі, у адрозненне ад Польшчы, вялікія крамы працуюць у нядзелю, таму няма неабходнасці бегчы па прадукты ў канкрэтны час — для гэтага ёсць дадатковы дзень.

Але ж палякаў было не спыніць, хаця некаторыя з іх і жартавалі з такога падыходу:

«Адсутнасць людзей у краме кажа пра фатальны стан эканомікі».

«Даволі пуста, крама для эліты».

«Неяк натоўп не відаць. Крамы можна мець, толькі хто там будзе купляць? Бяднота з калгасаў?»

Беларусы таксама зайшлі ў каментары і патлумачылі — для некаторых жыхароў краіны цэны ў супермаркеце цяпер завялікія, каб туды хадзіць.

Некаторыя з палякаў шчыра прызналіся, што крама іх уразіла ў добрым сэнсе. Вось толькі калі ў Беларусі ёсць такія крамы, для палякаў застаецца загадкай, чаму беларусы гатовыя ехаць у Польшчу «на закупы»:

«У Беларусі ў крамах свежая мясцовая гародніна, а не часнок з Кітая і спаржа з Егіпта, пакрытыя сантыметровым слоем воску».

«Пустых вітрын няма, але гэта не значыць, што людзям на ўсё хапае».

«Дык цікава, чаму яны прыязджаюць да нас у Беласток на закупы».

«Наша Нiва» — бастыён беларушчыны

ПАДТРЫМАЦЬ

Каментары91

  • Ёсік
    01.05.2025
    Во дажыліся, што параўноўваюць з ПК. Зайдзі ў карону замак у 10-11 раніцай, 5 пакупнікоў. Так і тутака.
  • Тутэйшы аглядальнік
    01.05.2025
    ...Из Библии:"Не хлебом единым жив человек..." а это всё из ряда гибридной пропаганды, где только часть правды,магазин, а всёостальное ,зарплаты, качество умалчивается..сколько таких манипуляций сознанием!!!!..да ,создатель , видео живёт в Польше!!!безобидно, правда?
  • .
    01.05.2025
    Карысная нагода, каб падумаць і пра свае стэрэатыпы, і чаму павярхоўна-нахабны падыход (як у Хартыі, Нехты) не працуе, чаму факт-чэкінг неабходны, пра інфапухіры грамадстваў.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі16

У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі

Усе навіны →
Усе навіны

У Пінску дажджом затапіла рынак. Праблема існуе даўно, але не вырашаецца1

На чыгунцы супрацоўнікам адмяняюць надбаўкі і скарачаюць штаты4

Памер экспарту лунінецкага фермера ў Расію ўпершыню перасягнуў 10 мільёнаў даляраў3

Маладую касплэйшчыцу кінулі ў калонію за «заклікі да прычынення шкоды Беларусі»8

Пад Мінскам машына сутыкнулася з матацыклам ВІДЭА

У Мінску праходзіць велакарнавал «Viva Ровар» ФОТЫ2

Брэсцкія памежнікі не прапусцілі без чаргі інваліда з Расіі — былога прэс-сакратара паліцыі Інгушэціі. Ён абураны10

Макрон заклікаў стварыць «кааліцыю незалежных» і не глядзець на Вашынгтон і Пекін4

Чарэшні на Камароўцы патаннелі ўтрая. Чым яшчэ выгадна закупіцца?2

больш чытаных навін
больш лайканых навін

У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі16

У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі

Галоўнае
Усе навіны →

Заўвага:

 

 

 

 

Закрыць Паведаміць