Аліментшчык і рабочы з адміністратыўкай за п'янства. Стала вядома яшчэ пра двух беларусаў, якія ваююць за «рускі свет»
Выданне «Флагшток» працягвае вывучаць спіс грамадзян Беларусі, прапісаных у Гомельскай вобласці, якія, паводле звестак украінскага праекта «Хачу жыць», паступілі на службу ў расійскую армію.
Сярод 112-ці ўраджэнцаў Гомельскай вобласці з гэтага спісу — Васіль Фурманаў, які родам з вёскі Рагінь Буда-Кашалёўскага раёна. Прапісаны ён быў у Гомелі, а асноўная частка ягонай кар'еры — рабочы на некалькіх прадпрыемствах. Апошнія месцы працы ў Беларусі — прыватнае прадпрыемства «Інтэртэйпс», якое вырабляе клейкую стужку, і «Гомелькаапдругрэсурсы», якое займаецца прыёмам і скупкай другаснай сыравіны.
З 2015 года афіцыйных месцаў працы Фурманава ў Беларусі няма. Выглядае, што з тых часоў ён перыядычна з'язджаў у Расію, дзе хаваўся, каб не выплачваць аліменты. На старонцы Фурманава ў сацсетцы ёсць каментары, у якіх гаворыцца пра тое, што ён «забыўся» пра сваё дзіця і не плаціць на яго ўтрыманне.
Але ў Беларусі ён усё ж з'яўляўся — за плячыма расійскага найміта ёсць адміністрацыйныя і адна крымінальная справа. Усё гэта — за крадзяжы.
У 2015 годзе Васіль Фурманаў скраў у краме бутэльку гарэлкі, у 2017-м — два кавалкі каўбасы. Яшчэ адна адміністратыўка ёсць за распіццё гарэлкі проста ў краме. А ў 2016 годзе Фурманаў зрабіў спробу крадзяжу кабеля з піларамы ААТ «Рагінь». Раней, у 2014 годзе, падчас працы на «Інтэртэйпс» гамяльчук спрабаваў выкрасці 14 рулонаў стрэйч-плёнкі — за гэта была распачатая крымінальная справа.
Паводле інфармацыі ўкраінскага «Міратворца», Фурманаў паступіў у ПВК «Вагнер». Як мінімум у маі 2023 года ён яшчэ ваяваў — пад Бахмутам. Што з ім цяпер — невядома. У сацсетцы мужчына не з'яўляўся ўжо некалькі гадоў.
Прыклад яшчэ аднаго найміта — Ігар Барнавіцкі са Жлобіна, які таксама, як мяркуецца, жыў у Расіі. У 2024 годзе яго шукалі як зніклага без вестак на тэрыторыі РФ. Паведамлялася, што з лютага 2024 года ягонае месцазнаходжанне невядомае, але на сваю старонку ў сацсетцы ён нядаўна заходзіў.
У Беларусі Барнавіцкі афіцыйна не працаваў з 2020 года. Апошнія пасады — рабочы, кіроўца, экспедытар. У спісе адміністрацыйных спраў на яго — шматлікія парушэнні ПДР, а таксама з'яўленне ў грамадскім месцы ў п'яным выглядзе.
Характэрна, што Барнавіцкі яшчэ ў сярэдзіне 2010-х гадоў трапіў пад уплыў расейскай прапаганды. На сваёй старонцы сацсеткі «Укантакце» ён рэпосціў антыўкраінскія публікацыі крамлёўскіх СМІ.
«Жэня ў нас ногі страціў». На парад у Мінск прыехалі вагнераўцы-беларусы — расказваем, хто яны
На фронце ва Украіне знік без вестак яшчэ адзін беларус, які паваяваў на баку Расіі месяц
Ваяваць за Расію пайшоў былы палітвязень з Гомеля. У Беларусі ён у спісе «тэрарыстаў»
«Раcтрушчэнне галавы». Сталі вядомыя прычыны смерці беларусаў, якія ваявалі за Расію
Украінскі праект «Хачу жыць» назваў імёны больш за 700 беларусаў, якія ваявалі на расійскім баку ПОЎНЫ СПІС
За Расію ва Украіне ваююць тысячы наймітаў з як мінімум паўсотні краін свету. Хто яны?
Ціханоўскі расказаў, што трэба было рабіць у жніўні 2020-га62
Каментары