Рассельгаснагляд мае прэтэнзіі да прадукцыі сямі беларускіх прадпрыемстваў
20 мая Расійская федэральная служба па ветэрынарным і фітасанітарным наглядзе (Рассельгаснагляд) запатрабавала ад беларускага Міністэрства сельскай гаспадаркі ўзмацніць кантроль за прадукцыяй сямі беларускіх прадпрыемстваў. Прычына — нібыта выяўленыя праблемы з якасцю.
У прадукцыі мінскага прадпрыемства «Ультрапрадукт», якое пастаўляе ў Расію крэветкі, расійскія інспектары знайшлі мыш’як.
Акрамя таго, Рассельгаснагляд запатрабаваў узмацніць кантроль над двума прадпрыемствамі са Смалявічаў. У іх прадукцыі — мясе птушкі ад «Смалявічы Бройлер» і сыры ад «Смалявічы Малако» — нібыта знайшлі бактэрыі кішачнай палачкі.
У прадукцыі «Сервалюкс Агра» з Магілёва выявілі лістэрыі, а ў сухім малацэ з Глыбокага і смятане з Полацка — перавышэнне нормы па дражджах.
Таксама пад пільны нагляд трапіў Жабінкаўскі камбікормавы завод, які выпускае корм для жывёл. У яго прадукцыі нібыта знайшлі неадзначаныя ГМА-кампаненты.
Цяпер чытаюць
Знойдзена цела супрацоўніцы віцебскай хіміі — яе шукалі два з паловай гады1
Каментары