Перастала выходзіць на сувязь полацкая журналістка і каталіцкая актывістка Ціна Палынская
З канца мая не выходзіць на сувязь журналістка, каталіцкая верніца з Полацка Ціна Палынская. Верагодна, яна была затрыманая, а затым магла быць арыштаваная ў межах крымінальнай справы, піша «Хрысціянская візія».
Знаёмыя Ціны пакуль не ведаюць падрабязнасцяў. Апошні раз жанчына з'яўлялася ў сеціве 19 траўня.
Ціна даўно не займалася журналістыкай. Яна выхоўвала дочак, працавала ў архівах, у тым ліку расійскіх, выконваючы прыватныя заказы па стварэнні біяграфічных нарысаў, сямейных кніг, гісторый пра ўдзельнікаў Другой сусветнай вайны.
Раней, у 2022 годзе, журналістку судзілі па адміністрацыйным артыкуле і падвяргалі буйному штрафу за жоўтую і блакітную стужкі на сумцы, а Следчы камітэт праводзіў разбіральніцтва адносна яе паста ў фэйсбуку і ладзіў ператрус у доме журналісткі.
Цяпер чытаюць
«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў1
Каментары