Пасол Турцыі ў Беларусі расказаў пра любімыя беларускія стравы ў іх сям'і
А таксама пра тое, як правільна падаваць каву па-турэцку.
Пасол Турцыі ў Беларусі Гючлю Джэм Ышык жыве ў рэзідэнцыі разам з жонкай Сельвай і дзюма дочкамі Ягмур і Ясемін. З імі пасяліліся таксама такса Арчы і папугай Юкі, піша «Смартпрэс».
«Мой бацька — вайсковы доктар у адстаўцы, прафесар кардыялогіі. Хоць ён быў вайскоўцам, я часцей бачыў яго ў белым халаце, чым у форме. Мая мама была дыпламатам, паслом. Можна сказаць, я навучыўся хадзіць у пыльных калідорах міністэрства. Разам з ёй ездзіў у замежныя камандзіроўкі. Маё дзяцінства і юнацтва прайшлі ў Анкары, Чыкага, Багдадзе і Лондане. На нейкім этапе, калі мы жылі ў Чыкага, я прыняў рашэнне быць дыпламатам, — расказвае Гючлю Джэм Ышык.
Хобі пасла — наведваць антыкварныя рынкі і блышыныя кірмашы. З самых любімых знаходак — набор для кавы па-турэцку, знойдзены на блышыным рынку ў Бруселі.
Пасол расказвае, як правільна падаваць каву па-турэцку.
«Кава сервіруецца там, дзе будзе гутарка, дыялог. Важны посуд. Нават смак мяняецца, калі падаць яе не ў тым посудзе. Папяровыя кубачкі — невыносныя для мяне. Гэта абясцэньвае момант».
Каву па-турэцку трэба варыць павольна, памешваючы, сачыць за пенкай. Падаецца з кубкам вады і часта з лукумам.
Гючлю Джэм Ышык расказвае, што ў Мінску яго больш за ўсё ўразілі паркі.
«Ваш горад — як быццам сам пабудаваны ўнутры парку. Гэта не паркавая зона ў горадзе, а горад унутры парку.
Мы шмат ездзім па краіне. Былі ў Мірскім замку, палацы ў Нясвіжы, Белавежскай пушчы. Узімку планавалі пакатацца на лыжах, але ў гэты раз снегу аказалася замала (смяюцца)».
Што да любімых беларускіх страў, то ў сям'і пасла любяць дранікі і сырнікі. А жонка Сельва нядаўна пакаштавала ў «Бульбашах» галубцы са шчупаком — вельмі спадабалася.
Цяпер чытаюць
Новы Нюрнберг. Еўропа стварае Спецтрыбунал па вайне ва Украіне — ці змогуць асудзіць Лукашэнку?1
Каментары
[Зрэдагавана]