Імаверна, жанчын затрымалі па справе «Беларускай аналітычнай майстэрні» сацыёлага Андрэя Вардамацкага.
З канца мая не выходзіла на сувязь журналістка і каталіцкая верніца з Полацка Ціна Палынская. Тады меркавалася, што яна магла быць затрыманая, піша «Хрысціянская візія».
Цяпер, як стала вядома, Ціна Палынская і яе старэйшая дачка Маргарыта, 22 гады, знаходзяцца пад вартай па крымінальнай справе.
Жанчыны ўтрымліваюцца ў СІЗА-2 у Віцебску. У Ціны таксама ёсць малодшая непаўналетняя дачка — ёй 14 гадоў.
Падрабязнасці абвінавачання афіцыйна не раскрываюцца. Па ўскосных прыкметах ёсць здагадка, што справа можа быць звязаная з рашэннем КДБ прызнаць «Беларускую аналітычную майстэрню» прафесара Андрэя Вардамацкага экстрэмісцкім фармаваннем. Гэтая арганізацыя праводзіла сацыялагічныя апытанні сярод беларускіх грамадзян. Вядома пра вобшукі і канфіскацыю тэхнікі ў іншых людзей, якіх апытвалі ў рамках сацыялагічных даследаванняў майстэрні.
На дадзены момант няма ніякіх пацвярджэнняў, што Ціна або яе дачка сапраўды ўдзельнічалі ў даследаваннях майстэрні. Але нават калі б такі ўдзел меў месца, ён не парушаў бы закон: на момант магчымых кантактаў з майстэрняй тая яшчэ не была прызнаная экстрэмісцкім фармаваннем. Рашэнне КДБ датавана 16 мая 2025 года, апублікавана — 21 мая.
Ужо 22 мая на тэлеканале АНТ выйшаў «выкрывальны» сюжэт пра дзейнасць майстэрні.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары