Cina Pałynskaja i jaje 22-hadovaja dačka znachodziacca pad vartaj
Imavierna, žančyn zatrymali pa spravie «Biełaruskaj analityčnaj majsterni» sacyjołaha Andreja Vardamackaha.
Z kanca maja nie vychodziła na suviaź žurnalistka i katalickaja viernica z Połacka Cina Pałynskaja. Tady mierkavałasia, što jana mahła być zatrymanaja, piša «Chryścijanskaja vizija».
Ciapier, jak stała viadoma, Cina Pałynskaja i jaje starejšaja dačka Marharyta, 22 hady, znachodziacca pad vartaj pa kryminalnaj spravie.
Žančyny ŭtrymlivajucca ŭ SIZA-2 u Viciebsku. U Ciny taksama jość małodšaja niepaŭnaletniaja dačka — joj 14 hadoŭ.
Padrabiaznaści abvinavačańnia aficyjna nie raskryvajucca. Pa ŭskosnych prykmietach jość zdahadka, što sprava moža być źviazanaja z rašeńniem KDB pryznać «Biełaruskuju analityčnuju majsterniu» prafiesara Andreja Vardamackaha ekstremisckim farmavańniem. Hetaja arhanizacyja pravodziła sacyjałahičnyja apytańni siarod biełaruskich hramadzian. Viadoma pra vobšuki i kanfiskacyju techniki ŭ inšych ludziej, jakich apytvali ŭ ramkach sacyjałahičnych daśledavańniaŭ majsterni.
Na dadzieny momant niama nijakich paćviardžeńniaŭ, što Cina abo jaje dačka sapraŭdy ŭdzielničali ŭ daśledavańniach majsterni. Ale navat kali b taki ŭdzieł mieŭ miesca, jon nie parušaŭ by zakon: na momant mahčymych kantaktaŭ z majsterniaj taja jašče nie była pryznanaja ekstremisckim farmavańniem. Rašeńnie KDB datavana 16 maja 2025 hoda, apublikavana — 21 maja.
Užo 22 maja na telekanale ANT vyjšaŭ «vykryvalny» siužet pra dziejnaść majsterni.
-
«Dziesiacihadovaje dzicia AMAP pakładzie ŭ padłohu?» Treš-błohier Mellstroy adreahavaŭ na pryznańnie siabie ekstremistam
-
Biełarusa niekalki miesiacaŭ pierakidali ad doktara da doktara i nie chacieli špitalizavać, pakul naha nie pačała hnić
-
Cichanoŭskaja nazvała pryznačeńnie Koŭła «abnadziejvajučym krokam»
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary