У Мінпрацы патлумачылі, што будзе з пенсіямі і дапамогамі, калі базавы рахунак у банку не адкрыты да 20 чэрвеня
З 1 ліпеня 2025 года пенсіі і дапамогі, якія выплачваюцца беларусам органамі па працы, занятасці і сацыяльнай абароне, будуць пералічвацца на базавыя рахункі, адкрытыя ў банках
Звярнуцца ў банк для афармлення базавага рахунку або пераафармлення цяперашняга разліковага рахунку ў базавы трэба было да 20 чэрвеня 2025 года, каб у ліпені без праблем атрымаць пенсію або дапамогу. Пра тое, што адбудзецца з выплатамі, калі чалавек спазніўся з адкрыццём базавага рахунку, расказала начальнік галоўнага ўпраўлення пенсійнага забеспячэння Мінпрацы і сацабароны Беларусі Алена Гомарава, піша БелТА.
«Калі рахунак усё ж такі будзе адкрыты пазней, то грошы не згарэць, а будуць выплачаны ўжо пасля адкрыцця рахунку», — падкрэсліла Алена Гомарава.
Атрымліваецца, што выплаты прыпыняюцца да моманту адкрыцця базавага рахунку, але грошы не знікнуць — іх пералічаць пазней.
Спецыяліст адзначыла, што ніхто не мае права прымусова адкрываць рахунак на чалавека.
Для адкрыцця базавага рахунку можа быць выкарыстана генеральная даверанасць, калі ў дакуменце прапісаны такі функцыянал.
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас11
Каментары