На станцыі Калядзічы пад Мінскам узніклі праблемы з вывазам кантэйнераў
На чыгуначнай станцыі Калядзічы апошнімі днямі назіраюцца затрымкі з афармленнем і вывазам кантэйнераў, піша Office Life.
Як паведамляе кампанія STA Logistic, галоўная прычына — моцны вецер, з-за якога працу кранаў перыядычна спыняюць — часам на цэлы дзень. Гэта выклікае затрымкі з адгрузкай кантэйнераў, а таксама стварае цяжкасці пры здачы пустых. У асобных выпадках затрымка можа доўжыцца да сутак.
Да таго ж перад доўгімі выхаднымі павялічваецца нагрузка на склады і станцыі — попыт на перавозкі ўзрастае, а склады не працуюць. У выніку час чакання на станцыях Калядзічы і Шабаны, які звычайна складае 3—6 гадзін, можа значна павялічвацца.
Лагісты раяць кампаніям арганізоўваць вываз загадзя: браніраваць машыны наперад, асабліва ўлічваючы загружанасць перавозчыкаў, і планаваць пад’езд транспарту мінімум за 1—2 дні да пастаўкі.
Таксама для паскарэння працэсу рэкамендуецца вывозіць кантэйнеры пасля 22:00, калі чэргі на станцыі мінімальныя.
Цяпер чытаюць
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29
Каментары