«19 таблетак кожны дзень я павінен піць».
Сяргей Ціханоўскі ў інтэрв'ю праекту «Жыццё-маліна» расказаў пра сваё здароўе. Ён яшчэ не скончыў усе абследаванні.
«19 таблетак кожны дзень я павінен піць», — кажа ён пра тое, што яму выпісалі пасля аналізаў дактары.
«Па аналізах крыві ў цэлым усё нармальна, ёсць па некаторых кірунках праблемы. Але самае вялікае, што жахнула чамусьці дактароў мясцовых, што вітамін Д проста наогул адсутнічае», — расказаў ён.
Важыць былы палітвязень 77 кілаграмаў, пакуль перастаў страчваць вагу.
У турме ў Ціханоўскага часам ішла кроў з носа і рота. Яму рабілі нейкі ўколы (блогер не ведае, што гэта было), бо ў яго з'явіліся чырвоныя плямы на целе. «Ці то алергічная рэакцыя, ці то гэта нейкія сімптомы арганізма на нейкія іншыя захворванні», — мяркуе ён.
«З зубамі страшныя праблемы», — прызнаўся ён. «Некалькі сваіх. Астатняе будуць нешта вырываць, таму што там нічога жывога няма. Дзесьці будуць пратэзы ставіць».
Блогер згадвае, што аднойчы на Новы год у яго выпалі зубы — мост, які стаіць спераду, адваліўся.
«І я хадзіў у хустачцы трымаў гэтыя зубы, два тыдні мяне не пускалі да стаматолага. Вось Новы год, і там яшчэ дзесьці дзён 10 пасля Новага года. А ты павінен рабіць ім даклады пастаянна, там гэтыя крычалкі даваць, калі прыходзяць праверкі, ператрусы, усё астатняе. І калі ў цябе такое вымаўленне там, гэта страшнае прыніжэнне таксама. І ў цябе на ператрусе пастаянна знаходзяць у кішэні зубы».
Пры гэтым былы палітвязень адзначыў, што да стаматолага за кратамі ён трапляў, два тыдні — самае доўгае, што яму даводзілася чакаць.
-
На святкаванні Дня беларускага пісьменства Пяткевіч знайшла для сябе найлепшы антыдэпрэсант
-
Электронныя табло з раскладам больш не будуць вешаць на прыпынках. У Мінсктрансе патлумачылі прычыны
-
Узламаны акаўнт «Лініі Сталіна» пачаў публікаваць зводкі пра сотні збітых над Расіяй беспілотнікаў — ніхто не заўважыў падвоху
Цяпер чытаюць
Бульба-фітнэс: беларусы паказваюць у сацыяльных сетках, колькі бульбы выкапалі сёлета7
Каментары
[Зрэдагавана]