Так скончылася паездка дзесяцікласніка на бацькавым легкавіку. Гора-кіроўца і двое яго сяброў шпіталізаваныя.
14 красавіка ў Магілёве ў ДТЗ загінула 17-гадовая дзяўчына. 16-гадовы падлетак, вучань 10 класа, — на бацькоўскім «Мерседэсе» вырашыў пакатаць сваіх сяброў — двух 17-гадовых сяброў і 17-гадовую сяброўку.
Прыблізна а трэцяй дня, рухаючыся па праспекце Шміта з боку ААТ «Хімвалакно» ў раёне прыпынку грамадскага транспарту «Саўгас» гора-кіроўца не справіўся з кіраваннем, у выніку чаго легкавік выехаў на правую па ходзе руху ўзбочыну і ўрэзаўся ў асвятляльную мачту. Ад сутыкнення аўто разляцелася на кавалкі ў радыусе 60 метраў. Наймацнейшы ўдар ад сутыкнення прыйшоўся на месца пярэдняга пасажыра, дзе сядзела дзяўчына. Ад атрыманых траўмаў яна памерла на месцы здарэння. Гора-кіроўца і двое яго сяброў былі шпіталізаваныя ў траўматалагічныя і нейрахірургічныя аддзяленні Магілёўскай гарадской бальніцы хуткай медыцынскай дапамогі.
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»9
Каментары