Кіраўнік Офіса прэзідэнта Украіны Андрэй Ярмак паведаміў, што прапанаваў рэфармаваць Офіс прэзідэнта. Ініцыятыву падтрымаў прэзідэнт Уладзімір Зяленскі.
Паводле Ярмака, ідэя заключаецца ў тым, каб істотную частку супрацоўнікаў Офіса складалі вайскоўцы з пацверджаным баявым досведам поўнамаштабнай вайны ці ветэраны баявых дзеянняў. Гэта павінна датычыцца ўсіх узроўняў і ўсіх дэпартаментаў без выключэння.
Ён падкрэсліў, што ўдзел такіх людзей у працы ОП будзе справядлівым і неабходным.
«Гэта менавіта тыя людзі, што з’яўляюцца меркай гонару, маралі і адданасці Украіне. Я добра ведаю, як змяняецца тэмп, калі побач людзі, што прайшлі вайну. Яны не шукаюць апраўданняў, яны шукаюць рашэнні, як дасягнуць выніку», — адзначыў Ярмак.
Зяленскі падтрымаў прапанову ідэі аб уключэнні ў апарат прэзідэнта ветэранаў і вайскоўцаў з баявым досведам.
-
Як брэх сабакі дапамог выратаваць жыццё яе гаспадару, у якога адбыўся сардэчны прыступ
-
З-за прэтэнзій Трампа на Грэнландыю ў дацкім урадзе з’явіўся асаблівы начны вартаўнік
-
«Мы проста хочам дадому». Паўднёваафрыканец расказаў, як дачка экс-прэзідэнта Зумы падманам завербавала яго ваяваць ва Украіне на баку Расіі
Цяпер чытаюць
Памятаеце немаладога актывіста, які па дурасці зняўся ў прапагандысцкім кіно БТ? У Польшчы ён уляпаўся яшчэ і ў шпіянаж5
Каментары
прапануе 💰