Археолагі назвалі новую дату заснавання Менска — 997 год. Пра гэта БелТА расказаў загадчык аддзела археалогіі Сярэднявечча і Новага часу Інстытута гісторыі Нацыянальнай акадэміі навук Андрэй Вайцяховіч. Да гэтага часу афіцыйнай датай заснавання сталіцы Беларусі лічыцца 1067 год.
«Самае галоўнае — мы даказалі, што гэтае месца з’яўляецца паўнавартасным горадам, росквіт якога прыпадае на XI стагоддзе. Гэта быў даволі буйны горад для XI стагоддзя з класічнай планіроўкай — дзядзінец, умацаваны вакольны горад, чатыры неўмацаваныя пасады. У выніку маштабнай прарэзкі вала мы вывучылі ўсю сістэму гарадскіх умацаванняў. Гэтыя драўляныя ўмацаванні, якія дасягалі ў вышыню 7 м, захаваліся ў выглядзе зрубных падмуркаў вышынёй да 2 м. Мы поўнасцю даследавалі ўсю канструкцыю сцяны і яе далейшы лёс.
І дзякуючы дэндрахраналагічнаму аналізу атрымалі дакладную дату, калі гэтая сцяна пачала ўзводзіцца. Гэта быў 997 год. Пачалі сячы дубы, звозіць і будаваць гэтую сцяну. Гэты год можна лічыць датай заснавання горада. Горад гэты, безумоўна, з’яўляецца летапісным Менскам на рацэ Менка», — падкрэсліў навуковец.
Сярод знойдзеных матэрыялаў XI стагоддзя — посуд, манеты, упрыгожанні, зброя, прылады — усё гэта характэрна для гарадской культуры таго перыяду.
«Знаходкі сведчаць пра развіццё мноства рамёстваў, у прыватнасці ювелірнага. У гэтым годзе дастаткова шмат знойдзена было фрагментаў апрацаванага сланцу, з якога вырабляліся прасніцы, жорны. Археолагі мяркуюць, што паблізу была майстэрня», — расказаў Андрэй Вайцяховіч.
Каментары
Па-другое, гэта быў асобны горад, што існаваў адначасова з іншым паселішчам, і якое пазьней "перахапіла" назву "Менск" (як найбольш старажытную й адпаведна лепш, шырэй і далей, вядомую) і працягнула сваю гісторыю ў гэтай назве да нашых часоў.
В те времена города не вырастали как грибы за 10-20 лет.
археология может определять возраст и приблизительный размер поселения в какой-то его период, но не дает ответа об его основании.