«Вырашаецца пытанне з пляцоўкай». Канцэрт Макса Каржа ў Казахстане ўсё ж можа адбыцца
Казахстанскі білетны аператар паведаміў, што ў арганізатараў канцэрта ёсць усе дакументы.
Канцэрт Макса Каржа ў Казахстане ўсё ж такі можа адбыцца. Прынамсі, пра гэта заяўляе аператар, які прадаваў білеты.
Напярэдадні дырэкцыя спартыўных збудаванняў Алматы заявіла пра адмену канцэрта, запланаванага на 6 верасня. Сярод прычын называўся раптоўны футбол — «Кайрат» упершыню ў гісторыі выйшаў у асноўны раўнд Лігі чэмпіёнаў (хоць першы матч тэарэтычна можа адбыцца 16-18 верасня) — і адсутнасць у арганізатараў канцэрта ўсіх неабходных дакументаў.
Але білетны аператар Ticketon заяўляе, што з дакументамі ўсё ў парадку.
«Па канцэрце Каржа. Інфармацыя ад арганізатараў: у яго ёсць неабходныя дакументы, і падрыхтоўка да канцэрта працягваецца. Зараз вырашаецца пытанне з пляцоўкай», — гаворыцца ў паведамленні.
Аператар дадаў, што да канца заўтрашняга дня чакаецца афіцыйнае абнаўленне. Пры гэтым каманда Макса Коржа пакуль не каментавала сітуацыю.
-
«Заробак стартаваў з $440». Беларускі расказалі, як працуюць і зарабляюць на Блізкім Усходзе
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
-
«Рукі прэч ад сасісачак!». У сацсетках горача абмяркоўваюць барацьбу Лукашэнкі з кавай на запраўках. Некаторыя заклікаюць дзейнічаць больш жорстка
«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука1
Каментары