У якога аператара самы танны мабільны інтэрнэт?
НН параўноўвае цэны, прапанаваныя ўсімі трыма аператарамі.
НН параўноўвае цэны, прапанаваныя ўсімі трыма аператарамі.
На мінулым тыдні аператар мабільнай сувязі МТС нарэшце запусціў сваю
Пачынаецца сапраўднае рынкавае змаганне за спажыўца.«НН» дапамагае разабрацца ў безлічы тарыфных планаў.
Галоўнае — вылічыць трафік
Кожны з трох аператараў знайшоў што прапанаваць як для выпадковых наведвальнікаў інтэрнэту, якія з’яўляюцца ў Сеціве пару разоў на тыдзень, звычайна праз мабільны тэлефон, так і для тых, каму патрэбны трафік ледзь не ў прамысловых памерах. Але ўсе тарыфныя планы аб’яднаны абавязковай ўмовай — у іх ёсць абаненцкая плата, якая ўтрымлівае ў сабе перадаплачаны трафік.
Цяжкасць для параўнання ў тым, што аператары абралі розныя прамежкавыя ўзроўні. Напрыклад, Life:) мае пазнаку ў тарыфікацыі ў 500 мегабайтаў. Наступны ж узровень у яго складае 2 гігабайта (49 000 рублёў), значыцца, абонент, які мае патраціць усяго 750 мегабайтаў, усё роўна мусіць расшчодрыцца на 49 тысяч, а рэшткі трафіку згараць у яго ў канцы месяца.
Каб абраць самага выгаднага для сябе аператара, трэба прыкінуць, які трафік будзе скарыстаны за месяц.У гарызантальнай восі графіка памеры трафіка ранжыраваны ад 50 мегабайтаў да 4 гігабайтаў. Вертыкальная вось — колькасць грошай, якую прыйдзецца выдаткаваць.
Лідэрства Life:)
Атрымліваецца, што карыстацца паслугамі Life:) выгадна таму, хто патраціць мала трафіку — не больш за 500 мегабайтаў. Патэнцыйныя абаненты Velcome — тыя, хто выкарыстае для працы і адпачынку ад 501 да 750 мегабайтаў. Гігабайт трафіку — адзінае моцнае месца МТС. А вось тым, хто выкарыстоўвае больш за 2 гігабайта інфармацыі, зноў варта аддаць перавагу Life:).
Прапановы аператараў сыходзяцца ў адной і той кропцы ў канцы графіка.За 99 тысяч рублёў Velcome прадастаўляе 4 гігабайта трафіку, а МТС і Life:) — па 5 гігабайтаў.
Асобнымі радкамі варта ўзгадаць прапановы ад МТС і Life:). Расійскі аператар прадастаўляе неабмежаваны інтэрнэт за 290 тысяч рублёў на тарыфным плане «Абсалют». Туркі ж прапануюць начны інтэрнэт (з 1.00 да 8.00) коштам 29 тысяч рублёў за месяц, прычым у гэтыя грошы ўваходзяць 10 гігабайтаў трафіка. А таксама паслугу «Інтэрнэт на суткі» — 2900–4900 рублёў у залежнасці ад колькасці загружанай інфармацыі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3
Каментары