Два расійскія знішчальнікі правакацыйна праляцелі над польскай нафтавай платформай
19 верасня два расійскія знішчальнікі здзейснілі нізкі пралёт над польскай нафтавай платформай Petrobaltic у Балтыйскім моры, паведамляе Памежная ахова Польшчы.
Пры гэтым пралёце была парушаная зона бяспекі платформы, хоць у паветраную прастору Польшчы як дзяржавы самалёты не заляцелі. Тым не менш, інцыдэнт быў зарэгістраваны, пра яго былі праінфармаваныя польскія Узброеныя сілы і іншыя службы.
Самалёты праляцелі на вышыні каля 150 метраў. Марское аддзяленне Памежнай аховы назвала дзеянні Расіі правакацыйнымі.
Платформа Petrobaltic належыць кампаніі Grupa Orlen і з’яўляецца адзіным месцам у Польшчы, дзе здабываецца нафта непасрэдна з Балтыйскага мора. Яна мае вялікае значэнне для нацыянальнай энергетычнай бяспекі.
Таксама 19 верасня Германія падняла ў неба знішчальнікі Eurofighter для перахопу расійскага разведвальнага самалёта Іл-20М над Балтыйскім морам, а Эстонія зафіксавала парушэнне паветранай прасторы трыма расійскімі самалётамі МіГ-31.
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары