У цэнтры гарадка лось забраўся на прыватны падворак.
Таццяна Герасюк, да якой завітаў нечаканы госць, мае неабвержныя доказы — фатаграфіі лася ў яе агародзе, піша «Перспектыва».
Інцыдэнт адбыўся ў нядзелю а сёмай гадзіне раніцы на вуліцы 17 Верасня. Таццяна з дзевяцігадовым сынам Мішам яшчэ спалі, як скрозь сон пачулі чыесьці крокі на вуліцы. Паглядзелі ў акно і ўбачылі зламаны плот.
У абед Таццяна пайшла на агарод садзіць хрызантэмы і выявіла на ўчастку чыесьці велізарныя сляды. Прыгледзелася — і аслупянела: сляды лася!
Вечарам сумневы цалкам развеяла суседка Вераніка. Яна прыслала фатаграфіі, якія паспела зрабіць, — расказала Таццяна.
— Па яе словах, лось сам не зразумеў, што адбылося, траўмаваў правую заднюю нагу. Доўга на ўчастку Таццяны Герасюк лось не забавіўся, пайшоў на суседні. Затым накіраваўся ў іншы бок вуліцы Чырвонаармейскай. Тамтэйшыя жыхары выклікалі работнікаў МНС.
— Выклік прыйшоў каля васьмі гадзін раніцы ад жыхароў аднаго з дамоў па вуліцы Зялёнай, — паведаміў начальнік дзяжурнай змены ПАСЧ № 1 Гродзенскага райаддзела МНС Аляксей Сідлярэвіч.
— Гаспадыня паказала сляды лася, па іх мы і пайшлі. Неўзабаве пабачылі яго на іншым падворку. Калі наблізіліся метраў на сто, жывёла стала ўцякаць. Мы правялі яе ў бок лесу, каб яна не гуляла па горадзе. Ратавальнікі паведамілі пра інцыдэнт у службы аховы прыроды і навакольнага асяроддзя.
Аляксей Сідлярэвіч прызнаўся, што ў яго практыцы гэта першы выпадак, калі лось гуляў у Скідзелі. А вось яго калегам ужо даводзілася выязджаць па падобных паведамленнях.
Таццяна Герасюк звярнулася ў Скідзельскую ЖКГ з просьбай адрамантаваць зламаны плот. Заяўка будзе выканана.
Дарэчы, яшчэ адну страту выявіла Таццяна пасля прыходу нечаканага госця: з трох кустоў буякоў зніклі ягады. Відаць, лось быў галодны.
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары
Порезался буяками и памёр от кровопотери при спасении?
[Зрэдагавана]