«Уладзімір Уладзіміравіч нічога не хавае ад мяне». Лукашэнка ў Маскве дэманстраваў даверлівыя адносіны з Пуціным
Аляксандр Лукашэнка расказаў прапагандыстам, што разам з Пуціным заслухаў даклад Генштаба Расіі пра сітуацыю на фронце і пахваліўся, што Пуцін нібыта нічога ад яго не хавае. Тэлеграм-канал «Пул первого», расказваючы пра гэта, суправадзіў інфармацыю фотамі, як Лукашэнка стаіць у вузкім калідоры Крамля.
Паведамляецца, што Пуцін і Лукашэнка дамовіліся таксама пра цану на газ для Беларусі на наступныя пяць гадоў.
Адказваючы на пытанні, Аляксандр Лукашэнка заклікаў Кіеў «спыніцца, інакш яны страцяць усю Украіну».
Раней «працоўны сняданак» Пуціна і Лукашэнкі з вытанчаным меню пачаўся а 14‑й гадзіне і доўжыўся паўтары гадзіны.
Пасля гэтага размова працягнулася ў працоўным кабінеце прэзідэнта Расіі. Агулам сустрэча саюзнікаў па нападзе на Украіну працягвалася пяць гадзін.
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»9
Каментары