Міністра сельскай гаспадаркі Кітая прысудзілі да смяротнага пакарання
Чыноўніка абвінавацілі ў хабарах.
Былога міністра сельскай гаспадаркі і сельскіх спраў Кітая Тан Жэньцзяня прысудзілі да смяротнага пакарання з адтэрміноўкай выканання прысуду на два гады за атрыманне хабараў у асабліва буйным памеры, паведамляе агенцтва «Сіньхуа».
Былога міністра абвінавацілі ў тым, што ў перыяд з 2007 па 2024 гады ён злоўжываў сваім службовымі паўнамоцтвамі, каб дапамагчы пэўным арганізацыям і індывідуальным асобам заключаць кантракты на праекты і прасоўвацца па кар'еры. Узамен ён атрымаў хабараў на агульную суму больш за 268 млн юаняў (каля 38 млн даляраў ЗША).
Суд палічыў, што злачынствы Тан Жэньцзяня нанеслі сур'ёзны ўрон інтарэсам дзяржавы і народа, таму яму павінен быць вынесены смяротны прысуд. Аднак, паколькі ён прызнаў віну і вярнуў частку незаконных даходаў, суд змяніў канчатковае рашэнне.
Гэтая справа была разгледжаная судом 25 ліпеня.
Тан Жэньцзянь быў таксама пажыццёва пазбаўлены палітычных правоў. Усю яго асабістую маёмасць, а таксама незаконныя даходы канфіскуюць на карысць дзяржавы.
Каментары