Намміністра эканомікі: Беларусь можа знізіць закуп расійскай нафты на чвэрць
да 15,8 мільёна тонаў.
Пастаўка расейскай нафты на беларускія нафтаперапрацоўчыя заводы ў 2010 годзе можа зьнізіцца да 15,8 мільёна тонаў — пра гэта, як паведамляе «Інтэрфакс», заявіў на прэсавай канфэрэнцыі ў Менску намесьнік міністра эканомікі Беларусі Анатоль Філонаў.
Ён патлумачыў, што названую колькасьць нафты вызначылі заводы, зыходзячы з патрэбаў эфэктыўнай перапрацоўкі і максымальнага выхаду сьветлых нафтапрадуктаў. У апошнія гады беларускія заводы перапрацоўвалі парадку 20 мільёнаў тонаў нафты за год.
Паводле Філонава, аб’ём 15,8 млн тонаў цалкам улічвае заплянаваныя аб’ёмы бязмытнай нафты — 6,3 млн тонаў у 2010 годзе. «Заводы лічаць, што так можна працаваць: рабіць мікс, да бязмытнай нафты дазакупляць мытную, што й рабілася ў першым квартале», — сказаў намесьнік міністра эканомікі.
Пры гэтым ён падкрэсьліў, што перапрацоўка мытнай нафты ў поўным аб’ёме, з улікам глыбіні перапрацоўкі на беларускіх заводах, немэтазгодная з эканамічнага гледзішча.
«У варунках зьмешанай перапрацоўкі мытнай і бязмытнай нафты ў першым квартале Мазырскі НПЗ забясьпечыў дадатную рэнтабэльнасьць перапрацоўваньня нафты. „Нафтан“ закончыў першы квартал зь невялікімі стратамі — адмоўная рэнтабэльнасьць склала 0,5%», — паведаміў Філонаў.
Ён таксама паінфармаваў, што на пачатку 2010 году дадатнае для Беларусі сальда паміж імпартам нафты і экспартам нафтапрадукцыі склала 65 мільёнаў даляраў.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары