Дзяржсакратар ЗША Марка Рубіа: У амерыканскі мірны план унясуць змены
«Уносім некаторыя змены ў надзеі яшчэ больш паменшыць рознагалоссі і наблізіцца да нечага, што будзе прымальна як для Украіны, так і, відавочна, для Злучаных Штатаў», — сказаў дзяржаўны сакратар ЗША Марка Рубіа па выніках перамоваў у Жэнэве.
23 лістапада дзяржаўны сакратар ЗША Марка Рубіа сказаў, што ў «мірныя прапановы» амерыканскага боку будуць унесеныя пэўныя змены.
Пра гэта паведамляе «Еўрапейская праўда» са спасылкай на Sky News.
Рубіа сказаў, што перамовы ў Жэневе былі «найбольш прадуктыўнымі і важнымі на працягу ўсяго часу, з тых часоў як мы ўдзельнічаем у гэтым працэсе [мірнага ўрэгулявання]».
«У нас ёсць вельмі добрая рабочая версія, якая ўжо была створаная на аснове прапановаў усіх адпаведных бакоў, якія ўдзельнічаюць у гэтым працэсе, і мы здолелі цяпер разгледзець некаторыя з гэтых пытанняў, пункт за пунктам. І я думаю, што мы дасягнулі значнага прагрэсу», — сказаў дзяржсакратар.
Ён дадаў, што прадстаўнікі дэлегацый цяпер працуюць над «некаторымі прапановамі, якія нам былі прадастаўлены».
«Таму мы працуем над гэтым, уносячы некаторыя змены ў надзеі яшчэ больш паменшыць рознагалоссі і наблізіцца да нечага, што будзе прымальна як для Украіны, так і, відавочна, для Злучаных Штатаў», — сказаў Рубіа.
Раней прэзідэнт Украіны Уладзімір Зяленскі па выніках першых перамоваў у Жэневе сказаў, што прапановы «мірнага плана» ЗША могуць улічваць «крытычна важныя» пазіцыі Украіны.
Амерыканскі мірны план уключаў 28 пунктаў. Еўропа прадставіла ў адказ свой план заканчэння вайны ва Украіне.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў2
Каментары
Таксама Рубіё дадаў: «Прабачце, зяма-трампісцкія боты, якія пасьпелі ўжо былі напісаць, што папярэдні праект – вельмі добры. Мы неяк не падумалі, што вам цяпер ізноў круціцца на патэльні і адбрэхвацца, але вам ня ўпершыню ж. Вы ж і так схáваеце любое нашае рашэньне».